അവർക്ക് ഇഷ്ടം റോബിൻ ചേട്ടനെയാണ്; എന്നാൽ എനിക്ക് അങ്ങനെ ആരുമില്ല; നമുക്ക് നമ്മളേ ഉള്ളൂ..; നമ്മൾ അനാഥരാണ്; മനസ്സ് തുറന്ന് ആരതി പൊടി
കൊച്ചി: ബിഗ് ബോസ് മലയാളം സീസൺ നാലിലൂടെ ജനശ്രദ്ധ നേടിയ ഡോ. റോബിൻ രാധാകൃഷ്ണനും ഭാര്യയും ഫാഷൻ ഡിസൈനറുമായ ആരതി പൊടിയും മാതാപിതാക്കളെക്കുറിച്ചുള്ള തങ്ങളുടെ തമാശ നിറഞ്ഞ സംഭാഷണത്തിലൂടെ ഇപ്പോൾ സാമൂഹിക മാധ്യമങ്ങളിൽ ശ്രദ്ധ നേടുന്നു. മാതാപിതാക്കൾക്ക് തങ്ങളോടുള്ള സ്നേഹത്തെക്കുറിച്ച് ഇരുവരും നടത്തിയ പരാമർശങ്ങളാണ് ആരാധകർക്കിടയിൽ ചർച്ചയായിരിക്കുന്നത്.
തങ്ങളുടെ യൂട്യൂബ് ചാനലിലൂടെ പങ്കുവെച്ച വീഡിയോയിലാണ് ആരതി പൊടി ഇക്കാര്യം വെളിപ്പെടുത്തിയത്. ഡോ. റോബിന്റെ മാതാപിതാക്കൾക്ക് അദ്ദേഹത്തോടാണ് ഏറ്റവുമധികം സ്നേഹമെങ്കിലും, റോബിൻ കരുതുന്നത് അവർക്ക് സഹോദരിയോടാണ് കൂടുതൽ സ്നേഹമെന്നാണ്. സമാനമായി, തനിക്ക് മാതാപിതാക്കളോട് വലിയ സ്നേഹമുണ്ടെങ്കിലും, തനിക്ക് തോന്നാറുള്ളത് അവർക്ക് സഹോദരിയോടാണ് കൂടുതൽ സ്നേഹം എന്നാണ്. "നമുക്ക് ആരുമില്ല, നമ്മൾ അനാഥരാണ്, നമുക്ക് നമ്മളേ ഉള്ളൂ" എന്ന് താനും റോബിനും പരസ്പരം തമാശയായി പറയാറുണ്ടെന്നും ആരതി കൂട്ടിച്ചേർത്തു.
അതേസമയം, മാതാപിതാക്കളുടെ സ്നേഹത്തെക്കുറിച്ചുള്ള ഇരുവരുടെയും രസകരമായ കാഴ്ചപ്പാടുകൾക്ക് നിരവധിപേരാണ് സാമൂഹിക മാധ്യമങ്ങളിൽ പ്രതികരണവുമായെത്തിയത്. 'നിങ്ങൾ അനാഥരല്ല ഞങ്ങളുണ്ട്', 'നിങ്ങളുടെ അതേ ചിന്ത എല്ലാവർക്കുമുണ്ടാകാറുണ്ട്' തുടങ്ങിയ കമന്റുകളാണ് ഏറെയും.
