മാധവനൊപ്പം ശാലിനിയുടെ സെല്‍ഫി; 'അലൈപായുതേ'യിലെ എന്‍ട്രെട്രും പുന്നഗൈ എന്ന സൂപ്പര്‍ഹിറ്റ് ഗാനവും പശ്ചാത്തലത്തില്‍; 24 വര്‍ഷങ്ങള്‍ക്കു ശേഷം കാര്‍ത്തിയും ശക്തിയും
മാധവനൊപ്പം ശാലിനിയുടെ സെല്‍ഫി
ചെന്നൈ: മാധവനും ശാലിനിയും ഒന്നിച്ചുള്ള സെല്‍ഫി ചിത്രങ്ങള്‍ സൈബറിടത്തില്‍ വൈറല്‍. ശാലിനി തന്റെ ഔദ്യോഗിക ഇന്‍സ്റ്റഗ്രാം പേജിലൂടെയാണ് ചിത്രം പങ്കുവച്ചിച്ചിരിക്കുന്നത്. 'അലൈപായുതേ'യിലെ ഹിറ്റ് ഗാനമായ എന്‍ട്രെട്രും പുന്നഗൈ എന്ന പാട്ടിന്റെ ആദ്യ വരികള്‍ ചേര്‍ത്താണ് അടിക്കുറിപ്പ്.
24 വര്‍ഷങ്ങള്‍ക്ക് ശേഷം തങ്ങളുടെ പ്രിയപ്പെട്ട കാര്‍ത്തിയെയും ശക്തിയെയും ഒന്നിച്ചു കാണാനായതിന്റെ സന്തോഷത്തിലാണ് ആരാധകര്‍ ചിത്രത്തോട് പ്രതികരിച്ചത്. 2000ത്തില്‍ റിലീസായ മണിരത്നം ചിത്രമാണ് അലൈപായുതെ. യുവ ഡോക്ടറായ ശക്തി, യുവ സോഫ്റ്റ്വെയര്‍ എന്‍ജിനീയറായ കാര്‍ത്തി എന്നിവരുടെ പ്രണയകഥയാണ് ചിത്രത്തിന്റെ ഇതിവൃത്തം.
ഈ പ്രണയജോഡിയെ വീണ്ടും ബിഗ് സ്‌ക്രീനില്‍ കാണാന്‍ കഴിയുമോ എന്നാണ് ആരാധകര്‍ ചോദിക്കുന്നത്. 'അലൈപായുതെ' രണ്ടാം ഭാഗം വരണമെന്ന് മറ്റു ചിലര്‍ കമന്റ് ചെയ്യുന്നു. അജിത്തുമായുള്ള വിവാഹശേഷം അഭിനയരംഗത്ത് നിന്നും പൂര്‍ണമായി വിട്ടു നില്‍ക്കുകയാണ് ശാലിനി.
