അത് റിലീസ് ചെയ്ത ദിവസം ഓർക്കാൻ കൂടി വയ്യാ..; എന്റെ കരിയറിലെ തന്നെ ഏറ്റവും വലിയ താഴ്ചയായിരുന്നു ആ സിനിമയുടെ പരാജയം; മനസ്സ് തുറന്ന് ഷെയിൻ

നടൻ ഷെയിൻ നി​ഗം തന്റെ കരിയറിലെ ഏറ്റവും വലിയ തിരിച്ചടിയായി ഓർക്കുന്നത് 'വലിയപെരുന്നാൾ' എന്ന ചിത്രത്തിന്റെ പരാജയമാണെന്ന് വെളിപ്പെടുത്തി. ചിത്രത്തിന്റെ റിലീസ് ദിനം ഒരിക്കലും മറക്കാനാകില്ലെന്നും അദ്ദേഹം പറഞ്ഞു. 'ഗലാട്ട പ്ലസ്' നൽകിയ അഭിമുഖത്തിലാണ് ഷെയിൻ ഇക്കാര്യം വ്യക്തമാക്കിയത്.

"എൻ്റെ കരിയറിലെ ഏറ്റവും വലിയ താഴ്ചയായിരുന്നു 'വലിയപെരുന്നാളി'ന്റെ പരാജയം. അതാണ് എൻ്റെ ഏറ്റവും മോശം സമയം എന്ന് തോന്നുന്നത്," ഷെയിൻ നി​ഗം പറഞ്ഞു. ചിത്രത്തിൻ്റെ റിലീസിന് പിന്നാലെ താനുമായി ബന്ധപ്പെട്ട് നിരവധി വിവാദങ്ങൾ ഉയർന്നു വന്നിരുന്നുവെന്നും അദ്ദേഹം ഓർത്തെടുത്തു. "ആ ദിവസം ഒരിക്കലും മറക്കാൻ കഴിയില്ല. അതിനുശേഷമാണ് കോവിഡ് സംഭവിക്കുന്നതും എല്ലാവർക്കും ഒരു ഇടവേള ലഭിക്കുന്നതും. അതിനു ശേഷം ഞാൻ തിരിച്ചുവരുകയും എല്ലാം ശരിയാവുകയും ചെയ്തു," ഷെയിൻ കൂട്ടിച്ചേർത്തു.