രാത്രിയില് നടക്കില്ലെന്ന് പറഞ്ഞു; പിന്നെ വീട്ടിലേക്ക് വന്നെങ്കിലും ഉറങ്ങാനൊന്നും പറ്റിയില്ല; അത് അവര്ക്കൊരു റിലീഫാണല്ലോ; സന്തോഷം പങ്കുവെച്ച് ശ്രീക്കുട്ടി
മലയാളികളുടെ പ്രിയപ്പെട്ട സോഷ്യൽ മീഡിയ താരങ്ങളിലൊരാളായ ശ്രീക്കുട്ടിയുടെ കുടുംബത്തിലേക്ക് കുഞ്ഞതിഥി എത്തിയ വിശേഷങ്ങളാണ് ഇപ്പോൾ വൈറലായിരിക്കുന്നത്. ശ്രീക്കുട്ടിയുടെ സഹോദരി ചീമ (സൗമ്യ) പെൺകുഞ്ഞിന് ജന്മം നൽകിയ സന്തോഷം പുതിയ വ്ളോഗിലൂടെയാണ് ആരാധകരെ അറിയിച്ചിരിക്കുന്നത്. മീനമാസത്തിലെ ചതയം നക്ഷത്രത്തിൽ ജനിച്ച അമ്മയും മകളും സുഖമായിരിക്കുന്നുവെന്ന് ശ്രീക്കുട്ടി പറഞ്ഞു.
ആശുപത്രിയിൽ അഡ്മിറ്റ് ചെയ്തപ്പോൾ തന്നെ പ്രസവവേദന തുടങ്ങിയിരുന്നുവെങ്കിലും രാത്രിയിൽ പ്രസവം നടക്കില്ലെന്ന് ഡോക്ടർമാർ അറിയിച്ചിരുന്നു. രാവിലെ മരുന്ന് നൽകിയതോടെ വേദന കഠിനമാവുകയും നോർമൽ ഡെലിവറിയിലൂടെ കുഞ്ഞ് പിറക്കുകയും ചെയ്തു. സിസേറിയൻ വേണ്ടിവരുമോ എന്ന ആശങ്ക കുടുംബത്തിനുണ്ടായിരുന്നെങ്കിലും ഡോക്ടർമാരുടെ ആത്മവിശ്വാസം ഫലം കണ്ടു.
വേദന സഹിക്കാനാവാതെ വന്നതോടെ ചീമയ്ക്ക് എപ്പിഡ്യൂറൽ നൽകിയിരുന്നു. ഇത് വലിയ ആശ്വാസമായെന്ന് ശ്രീക്കുട്ടി വ്ളോഗിൽ പറഞ്ഞു. തന്റെ കാലത്ത് ഇത്രയും സൗകര്യങ്ങൾ ഉണ്ടായിരുന്നില്ലെന്നും കഠിനമായ വേദന സഹിക്കേണ്ടി വന്നിട്ടുണ്ടെന്നും താരം ഓർത്തെടുത്തു.
പ്രസവസമയത്ത് അമ്മയും സച്ചിനും (ചീമയുടെ ഭർത്താവ്) കൂടെയുണ്ടായിരുന്നു. ബിപിയുടെ പ്രശ്നങ്ങളുണ്ടായിട്ടും പരിഭ്രമം കാരണം അമ്മ ഒന്നും കഴിച്ചിരുന്നില്ല. സിസേറിയനാകുമോ എന്ന പേടിയുണ്ടായിരുന്നെങ്കിലും എല്ലാം ശുഭകരമായി അവസാനിച്ചു.
വീട്ടിലെ ഭൂരിഭാഗം പേരും ആൺകുഞ്ഞായിരിക്കും എന്ന് പ്രവചിച്ചപ്പോൾ ശ്രീക്കുട്ടിയും മീനാക്ഷിയും വേദയും മാത്രമാണ് പെൺകുഞ്ഞായിരിക്കും എന്ന് പറഞ്ഞത്. തനിക്ക് ഒരു പെൺകുഞ്ഞിനെ തന്നെയായിരുന്നു ആഗ്രഹമെന്നും ശ്രീക്കുട്ടി വെളിപ്പെടുത്തി. കുഞ്ഞിന്റെ പേര് ഇതിനോടകം തീരുമാനിച്ചിട്ടുണ്ടെങ്കിലും നൂലുകെട്ട് കഴിഞ്ഞേ കുഞ്ഞിന്റെ മുഖം വ്ളോഗിലൂടെ കാണിക്കൂ എന്ന തീരുമാനത്തിലാണ് കുടുംബം. സച്ചിന്റെയും ചീമയുടെയും ആഗ്രഹപ്രകാരമാണിത്.
വേദയുടെ പ്രസവസമയത്തെ അനുഭവങ്ങളും പുതിയ കുഞ്ഞതിഥിയെ കണ്ടപ്പോഴുള്ള സന്തോഷവും ശ്രീക്കുട്ടി വ്ളോഗിലൂടെ പങ്കുവെച്ചു. വൈകുന്നേരത്തോടെയാണ് കുടുംബാംഗങ്ങളെല്ലാം ഭക്ഷണം കഴിച്ചതെന്നും കുഞ്ഞ് എല്ലാവരെയും കണ്ണ് തുറന്ന് നോക്കുന്നുണ്ടായിരുന്നുവെന്നും താരം പറഞ്ഞു. സോഷ്യൽ മീഡിയയിലൂടെ നിരവധി പേരാണ് കുഞ്ഞിനും കുടുംബത്തിനും ആശംസകളുമായി എത്തുന്നത്.
