'അവൻ കവിളിൽ കടിച്ചത് സ്നേഹത്തോടെ..; അത് കണ്ടപ്പോൾ തന്നെ വിഷമം തോന്നി; അമ്മമാരോട് ഇങ്ങനെയൊന്നും ചെയ്യരുത്..'; ആ വീഡിയോയിലെ നെഗറ്റീവ് കമെന്റുകളെ കുറിച്ച് താര കല്യാൺ

കൊച്ചി: തനിക്കും മരുമകൻ അർജുൻ സോമശേഖറിനുമെതിരെ സമൂഹമാധ്യമങ്ങളിൽ പ്രചരിച്ചുവരുന്ന നെഗറ്റീവ് കമന്റുകളെക്കുറിച്ച് പ്രതികരിച്ച് നടി താര കല്യാൺ. തന്നെയും മരുമകനെയും ബന്ധപ്പെടുത്തി മോശം പ്രചാരണങ്ങൾ നടക്കുന്നത് വിഷമം ഉണ്ടാക്കുന്നുവെന്നും, അമ്മമാരുടെ മനസ്സ് വേദനിപ്പിക്കരുതെന്നും അവർ പറഞ്ഞു.

താര കല്യാണിന്റെയും മരുമകനായ അർജുന്റെയും ഒരു വീഡിയോ അടുത്തിടെ സമൂഹമാധ്യമങ്ങളിൽ വൈറലായിരുന്നു. വീഡിയോയിൽ താര കല്യാണിനെ അർജുൻ സ്നേഹത്തോടെ കവിളിൽ കടിക്കുന്നതായാണ് കാണാൻ സാധിക്കുന്നത്.

എന്നാൽ ചിലർ ഈ വീഡിയോയെ തെറ്റായി വ്യാഖ്യാനിച്ച് മോശം രീതിയിലുള്ള പ്രചാരണങ്ങൾ നടത്തുകയായിരുന്നു. ഇതിനോട് പ്രതികരിക്കവെയാണ് താര കല്യാൺ തന്റെ വിഷമം പങ്കുവെച്ചത്. "അമ്മമാരുടെ മനസ്സ് വേദനിപ്പിക്കരുത്. അമ്മമാരോട് ഇങ്ങനെയൊന്നും ചെയ്യരുത്. അവരുടെ മനസ്സ് പിടഞ്ഞു പോകും," അവർ പറഞ്ഞു.

ഈ വീഡിയോയ്ക്ക് താഴെ താര കല്യാണിന് പിന്തുണയുമായി നിരവധി കമന്റുകളാണ് വന്നുകൊണ്ടിരിക്കുന്നത്. "ഇത് അമ്മായിയമ്മയും മരുമോനും അല്ല, അമ്മയും മോനും ആണ്," എന്ന് ഒരാൾ കമന്റ് ചെയ്തപ്പോൾ, "ജന്മം കൊണ്ട് അമ്മയാവാനും മകനും ആവാനും കഴിയും. പറയുന്നവർ പറയട്ടെ. ഒരു അമ്മയെ ഇങ്ങനെ വേദനിപ്പിക്കരുത്," എന്ന് മറ്റൊരാൾ കുറിച്ചു. നുണപ്രചാരണങ്ങൾ നടത്തുന്നവരെ വിമർശിക്കുന്നവരും ഉണ്ട്.