ആദ്യ വിവാഹം കഴിഞ്ഞ നാൾ മുതൽ തുടങ്ങിയ പ്രശ്‌നങ്ങൾ; വല്ലതും കഴിച്ചോ? എന്ന് ചോദിക്കാൻ പോലും ആരുമില്ലായിരുന്നു; പിന്നീട് നടന്നത് എന്നെ ഞെട്ടിച്ചു; തന്റെ ജീവിതത്തെ കുറിച്ച് വിദ്യ
നടി താര കല്യാണിന്റെ മകൾ സൗഭാഗ്യ വെങ്കിടേഷിന്റെ ഭർത്താവ് അർജുന്റെ സഹോദരന്റെ ഭാര്യയും ഇൻഫ്ലുവൻസറുമായ വിദ്യ അനാമിക തന്റെ കഷ്ടപ്പാടുകൾ നിറഞ്ഞ ജീവിതകഥ പങ്കുവെച്ചു. അരുണുമായുള്ള വിദ്യയുടെ രണ്ടാം വിവാഹമാണിത്.
2014-ലായിരുന്നു വിദ്യയുടെ ആദ്യ വിവാഹം. ആദ്യനാളുകൾ സന്തോഷകരമായിരുന്നെങ്കിലും ആറുമാസത്തിനകം പ്രശ്‌നങ്ങൾ തുടങ്ങി. ഗർഭിണിയായിരുന്ന സമയത്ത് കൃത്യമായ ഭക്ഷണമോ, മാനസിക പിന്തുണയോ ലഭിച്ചിരുന്നില്ല. എങ്കിലും പഠിച്ചില്ലെങ്കിൽ 'സീറോ' ആയിപ്പോകുമെന്ന് അറിയാവുന്നതിനാൽ കഷ്ടപ്പെട്ട് ബി.എഡും പി.ജി.യും ഫസ്റ്റ് ക്ലാസോടെ പാസായി.
അവിടെ തുടരുന്നത് ബുദ്ധിമുട്ടാണെന്ന് മനസ്സിലാക്കിയതോടെ അച്ഛന്റെ സഹായത്തോടെ വീട്ടിലേക്ക് മടങ്ങി. മകളെ അമ്മയെ ഏൽപ്പിച്ച് ജോലിക്ക് പോയതോടെ ജീവിതത്തിൽ മാറ്റങ്ങൾ വന്നു. "കഴിച്ചോ, ധരിക്കാൻ വസ്ത്രമുണ്ടോ എന്നുപോലും ചോദിക്കാൻ ആരുമില്ലായിരുന്നു," സിംഗിൾ പേരന്റ് എന്ന നിലയിൽ ഒരുപാട് കാര്യങ്ങൾ അനുഭവിച്ചെന്ന് വിദ്യ വേദനയോടെ പങ്കുവെച്ചു. വിദ്യാഭ്യാസം ഉള്ളതുകൊണ്ടാണ് ആരുടെയും മുന്നിൽ തലകുനിക്കാതെ ജീവിക്കാൻ കഴിഞ്ഞതെന്നും അവർ കൂട്ടിച്ചേർത്തു.
