സൂര്യയുടെ പ്രവൃത്തി മനഃപൂര്‍വമല്ല; അറിയാതെ പറ്റിയതാകാം; അതില്‍ ആര്‍ക്കെങ്കില്‍ വേദനിച്ചിട്ടുണ്ടെങ്കില്‍ ആത്മാര്‍ഥമായി ക്ഷമ ചോദിക്കുന്നു; മാപ്പ് പറഞ്ഞ് വിജയ് സേതുപതി
പുതുമുഖമായി അഭിനയരംഗത്ത് എത്തുന്ന നടന്‍ സൂര്യ സേതുപതിയുടെ സിനിമാതാരമായി അരങ്ങേറ്റം കുറിച്ച ഫീനിക്സ് എന്ന ചിത്രത്തിന്റെ പ്രീമിയര്‍ പരിപാടിയുടെ ഇടയില്‍ ഉണ്ടായ വിവാദവുമായി ബന്ധപ്പെട്ട് അച്ഛനും നടനുമായ വിജയ് സേതുപതി മാപ്പ് പറഞ്ഞു. ആരാധകരുമായി സംസാരിക്കുമ്പോള്‍ സൂര്യ ച്യൂയിങ് ഗം ചവച്ചതിനെതിരേ സമൂഹമാധ്യമങ്ങളില്‍ വ്യാപക വിമര്‍ശനം ഉയര്‍ന്നിരുന്നു.
''സൂര്യയുടെ പ്രവൃത്തി മനഃപൂര്‍വമല്ല. അറിയാതെ പറ്റിയതാകാം. അങ്ങിനെ സംഭവിച്ചെങ്കില്‍, അതില്‍ ആര്‍ക്കെങ്കിലും വേദനിച്ചിട്ടുണ്ടെങ്കിലോ തെറ്റിദ്ധരിച്ചുണ്ടെങ്കിലോ ഞാന്‍ ആത്മാര്‍ഥമായി ക്ഷമ ചോദിക്കുന്നു,'' എന്നായിരുന്നു വിജയ് സേതുപതിയുടെ പ്രതികരണം. തന്റെ മകന്റെ പെരുമാറ്റം ആരുടെയെങ്കിലും മനസ്സില്‍ അസ്വസ്ഥത ഉണ്ടാക്കിയിട്ടുണ്ടെങ്കില്‍ അതിന് ഖേദം പ്രകടിപ്പിക്കുന്നതായും താരം വ്യക്തമാക്കി.
പ്രശസ്ത ആക്ഷന്‍ കൊറിയോഗ്രാഫറായ അനല്‍ അരശ് സംവിധാനം ചെയ്ത ഫീലിം ഫീനിക്സ് ഇപ്പോള്‍ തിയറ്ററുകളില്‍ സമ്മിശ്ര പ്രതികരണങ്ങള്‍ക്കിടയിലും പ്രദര്‍ശനം തുടരുകയാണ്. സൂര്യ സേതുപതിക്ക് ഇതിന്റെ പ്രധാന കഥാപാത്രമായി വരുന്ന ആദ്യ ചിത്രം എന്ന പ്രത്യേകതയും ചിത്രത്തിന് ശ്രദ്ധ നേടാന്‍ സഹായിക്കുന്നു.
ഇതിനു മുമ്പ് നാനും റൗഡി താന്‍, സിന്ധുബാദ് എന്നീ വിജയ് സേതുപതി ചിത്രങ്ങളില്‍ ബാലതാരമായി സൂര്യ പ്രത്യക്ഷപ്പെട്ടിരുന്നു. ചിത്രത്തിന് സംഗീതം ഒരുക്കിയിരിക്കുന്നത് സാം സി.എസ്. ആണ്. വിവാദങ്ങള്‍ക്കിടയിലും പുതുമുഖത്തിന് പിന്തുണയുമായി ആരാധക ലോകം മുന്നോട്ടുള്ള സഫലമായ തുടക്കമാണ് പ്രതീക്ഷിക്കുന്നത്.
