ന്യൂഡൽഹി: ഈ വർഷത്തെ ഇന്ത്യയിലെ മികച്ച പാസ്പോർട്ട് ഓഫീസായി കൊച്ചി റീജ്യണൽ പാസ്പോർട്ട് ഓഫീസിനെ തിരഞ്ഞെടുത്തു. തുടർച്ചയായി നാലാം തവണയാണ് കൊച്ചി ഈ നേട്ടം കൈവരിക്കുന്നത്. കേന്ദ്ര വിദേശകാര്യ മന്ത്രാലയമാണ് പാസ്പോർട്ട് സേവകേന്ദ്ര പുരസ്‌കാരം പ്രഖ്യാപിച്ചത്.

എ കാറ്റഗറിൽ പത്തിൽ 9.85 പോയിന്റ് നേടിയാണ് കൊച്ചി ഒന്നാമതെത്തിയത്. 9.75 പോയിന്റുമായി ജലന്ദർ രണ്ടും 9.30 പോയിന്റോടെ അഹമ്മദാബാദ് മൂന്നാം സ്ഥാനവും കരസ്ഥമാക്കി.

ബി കാറ്റഗറിലെ ഒന്നും രണ്ടും മൂന്നും സ്ഥാനങ്ങൾ കേരളത്തിനാണ്. തിരുവനന്തപുരം ഒന്നും മലപ്പുറം രണ്ടാം സ്ഥാനത്തുമെത്തി. കോഴിക്കോടിനൊപ്പം മധുരൈയും മൂന്നാം സ്ഥാനം പങ്കിട്ടു. സി കാറ്റഗറിയിൽ കോയമ്പത്തൂർ, അമൃത്സർ, ഷിംല എന്നീ കേന്ദ്രങ്ങൾ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.