തിരുവനന്തപുരം: ഇനി കോവിഡനന്തര രോഗങ്ങൾക്ക് കേരളത്തിൽ സൗജന്യ ചികിൽസ ഇല്ല. സർക്കാരിന്റെ സാമ്പത്തിക പ്രതിസന്ധിയുടെ കാലത്ത് ഇത്തരം ചികിൽസ ഖജനാവിന് ബാധ്യതയാകുന്ന സാഹചര്യത്തിലാണ് ഇത്. ഈ സാഹചര്യത്തിൽ കോവിഡാനന്തര ചികിത്സാ നിരക്ക് തീരുമാനിച്ച് സർക്കാർ ഉത്തരവായി. കാരുണ്യ ആരോഗ്യ സുരക്ഷാ പദ്ധതിയിൽ അംഗമായവർക്ക് സർക്കാർ ആശുപത്രിയിൽ തുടർന്നും സൗജന്യചികിത്സ ലഭ്യമാകും.

രജിസ്ട്രേഷൻ, കിടക്ക, നഴ്സിങ് ചാർജ്, മരുന്ന് എന്നിവ ഉൾപ്പെടെ എൻ.എ.ബി.എച്ച്. അക്രഡിറ്റേഷൻ ഉള്ള സ്വകാര്യ ആശുപത്രികളിൽ ജനറൽ വാർഡുകളിൽ ദിവസം പരമാവധി 2910 രൂപയേ ഈടാക്കാവൂവെന്ന് ഉത്തരവിൽ പറയുന്നു. അക്രഡിറ്റേഷൻ ഇല്ലാത്ത സ്വകാര്യ ആശുപത്രിയിൽ ജനറൽ വാർഡിൽ 2645 ആയിരിക്കും നിരക്ക്. സർക്കാർ ആശുപത്രികളിൽ വാർഡിന് 750 രൂപ ഈടാക്കാം.

ഹൈ ഡിപ്പൻഡൻസി യൂണിറ്റിൽ 1250, ഐ.സി.യു-1500, വെന്റിലേറ്റർ ഉള്ള ഐ.സി.യു.വിന് 2000 രൂപ എന്നിങ്ങനെയും ഈടാക്കാം. കോവിഡനന്തര രോഗലക്ഷണങ്ങൾ, കുട്ടികളിലും മുതിർന്നവരിലും ഒരുപോലെ ഒന്നിലേറെ അവയവങ്ങളെ ബാധിക്കുന്ന മൾട്ടി സിസ്റ്റം ഇൻഫ്‌ളമേറ്ററി സിൻഡ്രോം, ശ്വാസകോശ ബുദ്ധിമുട്ടുകൾ എന്നിവയക്കും ചികിത്സയ്ക്കും ഒരേ നിരക്കാണ്.

സ്വകാര്യ ആശുപത്രി നിരക്ക്

ജനറൽ വാർഡ്

എൻ.എ.ബി.എച്ച്. അക്രഡിറ്റേഷൻ ഇല്ലാത്ത ആശുപത്രികളിൽ ഒരുദിവസത്തെ നിരക്ക്- 2645
അക്രഡിറ്റേഷൻ ഉള്ള ആശുപത്രികളിൽ- 2910

ഹൈ ഡിപ്പൻഡൻസി യൂണിറ്റ്

എൻ.എ.ബി.എച്ച്. അക്രഡിറ്റേഷൻ ഇല്ലാത്ത ആശുപത്രികളിൽ ഒരുദിവസത്തെ നിരക്ക്- 3795
അക്രഡിറ്റേഷൻ ഉള്ള ആശുപത്രികളിൽ- 4175

ഐ.സി.യു

എൻ.എ.ബി.എച്ച്. അക്രഡിറ്റേഷൻ ഇല്ലാത്ത ആശുപത്രികളിൽ ഒരുദിവസത്തെ നിരക്ക്- 7800
അക്രഡിറ്റേഷൻ ഉള്ള ആശുപത്രികളിൽ- 8580

വെന്റിലേറ്ററോടുകൂടി ഐ.സി.യു.

എൻ.എ.ബി.എച്ച്. അക്രഡിറ്റേഷൻ ഇല്ലാത്ത ആശുപത്രികളിൽ ഒരുദിവസത്തെ നിരക്ക്- 13,800
അക്രഡിറ്റേഷൻ ഉള്ള ആശുപത്രികളിൽ- 15,180

കിടക്കനഴ്സിങ് ചാർജ്മരുന്ന്രജിസ്ട്രേഷൻ