പിണറായിയിലെ സൊസെറ്റിയിൽ വായ്പയ്ക്കായി എത്തിയ യുവതിക്ക് അശ്‌ളീല സന്ദേശമയച്ച സിപിഎം പ്രാദേശിക നേതാവിനെ പുറത്താക്കി; മറ്റൊരു സഹകരണ വിവാദം ഇങ്ങനെ
പിണറായി :പിണറായി സഹകരണ സൊസൈറ്റിയിൽ കാർഷികവായ്?പക്ക്? അപേക്ഷയുമായെത്തിയ യുവതിയെ ലൈംഗിക ചുവയോടെ ശല്യം സിപിഎം- നേതാവിനെ പാർട്ടിയിൽ നിന്നുംപുറത്താക്കി. യുവതിക്ക് വാട്സ് ആപ്പിലൂടെ അശ്‌ളീല സന്ദേശമയച്ചുവെന്ന പരാതിയിലാണ് സിപിഎം പ്രാദേശിക നേതാവിനെ പാർട്ടിയിൽ നിന്നും ഒരു വർഷത്തേക്ക് സസ്പെൻഡ് ചെയ്തത്
പിണറായി ഫാർമേഴ്സ് വെൽഫെയർ കോ ഓപറേറ്റിവ് സൊസൈറ്റി സെക്രട്ടറി നിഖിൽ കുമാർ നാരങ്ങോളിക്കെതിരെയാണ് നടപടി. സിപിഎം ധർമടം നോർത്ത് ലോക്കലിലെ അണ്ടലൂർ കിഴക്ക് ബ്രാഞ്ച് സെക്രട്ടറിയായ നിഖിൽ കുമാറിനെ ഒരു വർഷത്തേക്കാണ് പാർട്ടിയിൽ നിന്നും സസ്പെൻഡ്?? ചെയ്തത്. പാർട്ടിയുടെ യശസ്സിന് കളങ്കമുണ്ടാക്കുംവിധം പ്രവർത്തിച്ചുവെന്ന്? ചൂണ്ടിക്കാട്ടിയാണ്? സിപിഎം ജില്ല കമ്മിറ്റി നടപടിയെടുത്തത്.
വായ്?പക്കെത്തിയ യുവതിയോട് ലൈംഗികച്ചുവയിൽ സംസാരിച്ചെന്നാണ് പരാതിയിൽ പറയുന്നത്. പരാതി നൽകിയ യുവതിയും പാർട്ടി പ്രവർത്തകയാണ്. വായ്?പ അപേക്ഷ നൽകിയതിനുപിന്നാലെ നിഖിൽ കുമാർ അർധരാത്രി യുവതിയെ ഫോണിൽ വിളിച്ച് ലൈംഗികച്ചുവയോടെ സംസാരിക്കുകയും വാട്സ് ആപ്പിൽ മെസേജ് അയക്കുകയും ചെയ്യുകയായിരുന്നു ശല്യം തുടർന്നതോടെ യുവതി ബന്ധുക്കളെയുംകൂട്ടി സൊസൈറ്റിയിലെത്തി സെക്രട്ടറിയെ പരസ്യമായി ചോദ്യം ചെയ്തു. നടപടിയെടുത്തില്ലെങ്കിൽ സൊസൈറ്റിക്ക് മുന്നിൽ നിരാഹാരമിരിക്കുമെന്ന് സൊ സെറ്റി പ്രസിഡന്റും മുഖ്യമന്ത്രിയുടെ മണ്ഡലം പ്രതിനിധിയായ പി.ബാലന് മുന്നറിയിപ്പ് നൽകുകയും ചെയ്തു.
ഇതോടെയാണ് സഹകരണ സ്ഥാപനത്തിൽ നിന്നും നിഖിലിനെ അന്വേഷണ വിധേയമായി സസ്പെൻഡ് ചെയ്ത്. യുവതിയുടെ പരാതിയിലാണ് സൊസൈറ്റി നടപടിയെടുത്തതെന്ന് സൊസൈറ്റി പ്രസിഡന്റ് പി. ബാലൻ പറഞ്ഞു. പരാതിക്കാരിയായ യുവതിയും സിപിഎം അംഗമാണ് പാർട്ടിക്ക് ലഭിച്ച പരാതിയുടെ അടിസ്ഥാനത്തിലാണ് ഇയാളെ പാർട്ടി അംഗത്വത്തിൽ നിന്നും ബ്രാഞ്ച് സെക്രട്ടറി സ്ഥാനത്തു നിന്നും ഒഴിവാക്കിയത് ' എന്നാൽ സംഭവം പൊലിസ് കേസാവാകാതിരിക്കാൻ അണിയറയിൽ ഒത്തുതീർപ്പു ചർച്ചകൾ നടക്കുന്നുണ്ട്. നേരത്തെ ഇയാൾ ജോലി ചെയ്യുന്ന സ്ഥലത്തും പാർട്ടി പ്രവർത്തനത്തിനിടെയും ചില യുവതികളെ ശല്യം ചെയ്തതായി പരാതിയുണ്ടായിരുന്നുവെങ്കിലും പാർട്ടി ഒതുക്കി തീർക്കുകയായിരുന്നുവെന്ന് യുവതി ആരോപിച്ചിരുന്നു.
പാർട്ടി പിൻതുണയുടെ ബലത്തിലാണ് നിഖിൽ ഇത്തരം കൃത്യങ്ങൾ ചെയ്യുന്നതെന്ന ആരോപണവും യുവതി ഉന്നയിക്കുന്നുണ്ട്. ജനാധിപത്യ മഹിളാ അസോസിയേഷൻ പ്രവർത്തകയും സിപിഎം അംഗവുമാണ് യുവതി. ഇവരുടെ പിതാവും മറ്റു കുടുംബാംഗങ്ങളും ഉറച്ച പാർട്ടി പ്രവർത്തകരാണ്. യുവതിയും ബന്ധുക്കളും സൊസൈറ്റി ' യിൽ വന്നു ബഹളമുണ്ടാക്കിയത് വീഡിയോയിൽ പകർത്തി മാധ്യമങ്ങൾക്ക് ചോർത്തി നൽകിയ സംഭവത്തിലും സിപിഎം അന്വേഷണമാരംഭിച്ചിട്ടുണ്ട്. പാർട്ടിക്ക് അവമതിപ്പുണ്ടാക്കുന്ന ഈ വീഡിയോ സോഷ്യൽ മീഡിയയിൽ വൈറലായി മാറിയിരുന്നു
