കണ്ണൂർ ചേപ്പറമ്പിൽ അതിഥി തൊഴിലാളി, നായയെ വെട്ടി കൊലപ്പെടുത്തി; ദൃശ്യങ്ങൾ സോഷ്യൽ മീഡിയയിൽ

കണ്ണൂർ: കണ്ണൂർ ശ്രീകണഠാപുരത്ത് തെരുവു നായയോട് അതിഥി തൊഴിലാളി കൊടും ക്രൂരത കാണിച്ച ദൃശ്യം സോഷ്യൽ മീഡിയയിൽ വൈറലാകുന്നു.

കണ്ണൂർ ജില്ലയുടെ മലയോര പ്രദേശമായ ചേപ്പറമ്പിലാണ് നായയെ വെട്ടി പരുക്കേൽപ്പിച്ചത്. വെട്ടേറ്റ് ഏറെ നേരം ചോരയൊലിപ്പിച്ച് ഓടിയ നായയുടെ അതിദാരുണമായി ദൃശ്യമാണ് സോഷ്യൽ മീഡിയയിൽ പ്രചരിക്കുന്നത്.

ഗുരുതരമായി പരുക്കേറ്റ നായ പിന്നീട് ചത്തു. നായയെ വെട്ടിയ അതിഥി തൊഴിലാളിയെ മൃഗ സ്‌നേഹികളുടെ പരാതിയിൽ പൊലീസ് കസ്റ്റഡിയിലെടുത്തിട്ടുണ്ട്. ചേപ്പറമ്പിൽ ചെങ്കൽ ജോലിക്ക് വന്നയാളാണ് പിടിയിലായത്.