കൊല്ലം: പ്രായപൂർത്തിയാകാത്ത പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ച കേസിലെ പ്രതിയെ ഏരൂർ പൊലീസ് പിടികൂടി. ആയൂർ ചേപ്പിലോട് അഖിൽ ഭവനിൽ അഖിൽ ആണ് പിടിയിലായത്.

ഇന്നലെ രാവിലെ മുതൽ മകളെ കാണാനില്ലെന്ന് കാണിച്ച് വിളക്കുപാറ സ്വദേശിനി ഏരൂർ പൊലീസിൽ പരാതി നൽകിയിരുന്നു. തുടർന്ന് നടന്ന അന്വേഷണത്തിൽ പെൺകുട്ടി ആയൂർ സ്വദേശിയായ ഒരു യുവാവുമായി പ്രണയത്തിലാണെന്ന് പൊലീസ് മനസ്സിലാക്കി. ഈ യുവാവിന്റെ മൊബൈൽ നമ്പർ കണ്ടെത്തിയ പൊലീസ് ഫോണിൽ ബന്ധപ്പെടുകയും പെൺകുട്ടി അയാൾക്കൊപ്പം ഉണ്ടെന്ന് മനസ്സിലാക്കുകയും ചെയ്തു. പൊലീസിന്റെ തന്ത്രത്തിൽ കുടുങ്ങിയ യുവാവ് പെൺകുട്ടിയുമായി സ്റ്റേഷനിലെത്തി. വൈദ്യ പരിശോധനയ്ക്ക് ശേഷം പെൺകുട്ടിയെ മാതാവിനൊപ്പം വിട്ടയച്ചു.

അറസ്റ്റ് രേഖപ്പെടുത്തി യുവാവിനെ കോടതിയിൽ ഹാജരാക്കി റിമാൻഡ് ചെയ്തു. ഇൻസ്‌പെക്ടർ അരുൺകുമാർ,സബ് ഇൻസ്‌പെക്ടർ സുബിൻ തങ്കച്ചൻ,എഎസ്ഐ നിസ്സാർ എന്നിവരുടെ നേതൃത്വത്തിലുള്ള സംഘമാണ് കേസ് അന്വേഷിച്ചത്.

 

വിവാഹവാഗ്ദാനം നൽകി പീഡനം

ആർ പീയൂഷ്

    മറുനാടൻ മലയാളി കൊച്ചി റിപ്പോർട്ടർ.