തളിപറമ്പിൽ ലഹരിമാഫിയാ സംഘത്തിന്റെ ആക്രമണം; യുവാവിനെ വീട്ടിൽ കയറി വെട്ടി പരുക്കേൽപ്പിച്ചു

തളിപ്പറമ്പ് : പുളിമ്പറമ്പിൽ ലഹരിമാഫിയാ സംഘം യുവാവിനെ വീട്ടിൽ കയറി വെട്ടിപരിക്കേൽപ്പിച്ചു. ഇന്ന് പുലർച്ചെ ഒന്നോടെ തോട്ടാറമ്പിലാണ് സംഭവം. പുളിമ്പറമ്പിൽ വ്യാപകമായി ലഹരി മദ്യ വിൽപ്പന നടക്കുന്നതായി നേരത്തെ പരാതികളുയർന്നിരുന്ന ഈ സംഘത്തിൽ പെട്ടവരാണ് തോട്ടാറമ്പിലെ ജസ്റ്റിൻ എന്ന ഉല്ലാസിനെ(32) വീട്ടിൽ കയറി അക്രമിച്ചതെന്നാണ് പരാതി.

വീട്ടിനകത്ത് തേർവാഴ്‌ച്ച നടത്തിയ സംഘം വീട്ടുകാരെ ആയുധം കാണിച്ച് ഭീഷണിപ്പെടുത്തിയാണ് തിരിച്ചു പോയത്. പരിക്കേറ്റ ജസ്റ്റിനിനെ തളിപ്പറമ്പ് സഹകരണ ആശുപത്രിയിൽ പ്രവേശിപ്പിച്ചു. തളിപ്പറമ്പ് പൊലിസ് കേസെടുത്തു