കണ്ണൂർ: വീട്ടിലെ കുളിമുറിയിൽ കുളിക്കുകയായിരുന്ന വീട്ടമ്മയെ ലൈംഗികമായി പീഡിപ്പിക്കാൻ ശ്രമിച്ച യുവാവ് റിമാൻഡിൽ. ആലക്കോട്ടെ ചപ്പിലി വിപിനെയാ(23)ണ് എസ്. ഐ കെ.ഷറഫുദ്ദീനും സംഘവും അറസ്റ്റു ചെയ്തത്. കഴിഞ്ഞ ഏഴിന് രാത്രിയിലാണ് സംഭവം.

55 വയസുകാരിയായ വീട്ടമ്മ കുളിമുറിയിൽ കുളിക്കുന്നതിനിടയിൽ അതിക്രമിച്ചു കയറിയ ഇയാൾ ബലാത്സംഗം ചെയ്യാൻ ശ്രമിക്കുകയായിരുന്നു. എന്നാൽ വീട്ടമ്മ ബഹളം വെച്ചതോടെ കുളിമുറിയിൽ നിന്നും ഇറങ്ങിയോടിയ ഇയാൾ പിന്നീട് ഒളിവിൽ പോയി. പരാതിയിൽ കേസെടുത്ത പൊലീസ് കഴിഞ്ഞ ദിവസമാണ് പ്രതിയെ പിടികൂടിയത്. കോടതിയിൽ ഹാജരാക്കിയ വിപിനെ രണ്ടാഴ്‌ച്ചത്തേക്ക് റിമാൻഡ് ചെയ്തു