കണ്ണൂർ:നിരവധി ക്രിമിനൽകേസുകളിൽ പ്രതിയായ യുവാവിനെ ഗുണ്ടാ നിയമമായ കാപ്പ ചുമത്തി ആറുമാസത്തേക്ക് ജയിലിൽ അടച്ചു. പയ്യാവൂർ ഏറ്റുപാറ സ്വദേശി പാത്തിക്കൽ വീട്ടിൽ നിബിന്മാത്യുവിനെയാ(27)യാണ് കണ്ണൂർ സെൻട്രൽജയിലിൽ അടച്ചത്.

മയക്കുമരുന്ന് വിൽപന ഉൾപ്പെടെ ഏഴോളം കേസുകളിൽ പ്രതിയായ ഇയാൾക്കെതിരെ ജില്ലാ പൊലിസ് മേധാവി കലക്ടർക്ക് റിപ്പോർട്ട് സമർപ്പിച്ചതിന്റെ അടിസ്ഥാനത്തിൽ ജില്ലാമജിസ്ട്രേറ്റ് കൂടിയായ കളക്ടറുടെ ഉത്തരവ് പ്രകാരം പയ്യാവൂർ സ്റ്റേഷൻ പൊലിസ് ഇൻസ്പെക്ടർ പി. ഉഷാദേവി നിബിന്മാത്യുവിനെ ഇന്നലെ അറസ്റ്റു ചെയ്യുകയായിരുന്നു. പയ്യാവൂർ, കുടിയാന്മല, ഉളിക്കൽ സ്റ്റേഷനുകളിൽ ഇയാൾക്കെതിരെ കേസുകൾ നിലവിലുണ്ട്.