സുഹൃത്തിനെ കാണാനെന്ന വ്യാജേനെയെത്തി ഭാര്യയായ വയോധികയെ പീഡിപ്പിക്കാൻ ശ്രമം; കട്ടപ്പന മാർക്കറ്റിലെ ചുമട്ടു തൊഴിലാളി അറസ്റ്റിൽ

കട്ടപ്പന:വീട്ടിൽ അതിക്രമിച്ചു കയറി അറുപത്തിയഞ്ചുകാരിയെ പീഡിപ്പിക്കാൻ ശ്രമിച്ച ചുമട്ടുതൊഴിലാളി അറസ്റ്റിൽ. കൊച്ചുകാമാക്ഷി കൊട്ടക്കാട്ട് പ്രസാദ് (52) ആണ് പിടിയിലായത്. തിങ്കൾ വൈകിട്ട് നാലരയോടെ ഭർത്താവിനെ കാണാനെന്ന പേരിൽ വീട്ടിൽ എത്തിയ പ്രതി ഭാര്യയെ ആക്രമിക്കാൻ ശ്രമിക്കുകയായിരുന്നു.

അറുപത്തഞ്ചുകാരിയായ സ്ത്രീയും ഭർത്താവും മാത്രമാണ് വീട്ടിലുള്ളത്. അസുഖബാധിതനായ ഭർത്താവിനെ കാണാനായി എത്തിയ പ്രസാദ് ശുചിമുറിയിൽ ഒളിച്ചുനിന്നു. ഒളിച്ചുനിന്ന പ്രതി കയറിപ്പിടിക്കുകയായിരുന്നെന്നാണു പരാതി. രക്ഷപ്പെടാൻ ശ്രമിച്ചെങ്കിലും തള്ളി താഴെയിട്ട് വലിച്ചിഴച്ചുവെന്നും പരാതിയുണ്ട്. പ്രതിയെ കോടതി റിമാൻഡ് ചെയ്തു.