ദുബായ്: ഇന്ന് നാട്ടിലേക്ക് വിമാനം കയറാനിരിക്കെ ഹൃദയാഘാതം സംഭവിച്ച് മലയാളി യുവാവ് മരിച്ചു. ചാവക്കാട് ഒരുമനയൂർ കൊളങ്ങരകത്ത് ആളുരകായിൽ നിയാസാണ് (42) മരിച്ചത്. വാഹനം ഓടിക്കുന്നതിനിടെയാണ് ഹൃദയാഘാതം സംഭവിച്ചത്. നാട്ടിലേക്ക് കൊണ്ടു പോകുവാനുള്ള സാധനങ്ങൾ വാങ്ങുവാൻ വാഹനവുമായി പുറത്തിറങ്ങി സിഗ്‌നലിന്റെ അടുത്തെത്തിയപ്പോൾ ഹൃദയാഘാതം ഉണ്ടാവുകയായിരുന്നു.

സിഗ്നൽ മാറിയിട്ടും വാഹനം അനങ്ങാത്തതിനെ തുടർന്ന് വഴി ബ്ലോക്കാവുകയും തുടർന്ന് പൊലീസ് എത്തി കാർ തുറന്നു നോക്കിയപ്പോൾ നിയാസ് മരിച്ചതായി കാണപ്പെടുകയും ആയിരുന്നു. ഇന്ന് രാത്രിയിൽ എമിറേറ്റ്‌സ് വിമാനത്തിൽ നാട്ടിലേക്ക് ടിക്കറ്റ് ബുക്ക് ചെയ്തിരുന്നു. ഇപ്പോൾ ചേറ്റുവയിലാണ് താമസം. ദുബായ് സബീൽ പാലസിലെ ജീവനക്കാരനായിരുന്നു. ഭാര്യ: നിഷിദ. മക്കൾ: മുഹമ്മദ്, സബാഹ്, ഫാത്തിമ, മറിയം.

മരിച്ചു