ഭോപ്പാൽ: കസ്തൂർബാ ആശുപത്രിയിലെ ട്രെയ്നി നഴ്സിനെ പീഡിപ്പിച്ചെന്ന ആരോപണത്തിൽ സീനിയർ ഡോക്ടറെ പൊലീസ് അറസ്റ്റു ചെയ്തു. പരിശീലനം പൂർത്തിയായതോടെ ട്രെയിനിങ് സർട്ടിഫിക്കറ്റ് ആവശ്യപ്പെട്ടപ്പോൾ ശാരീരിക ബന്ധത്തിന് വഴങ്ങണമെന്ന് പറയുകയായിരുന്നു ഡോക്ടർ. എന്നാൽ ഇതിന് വഴങ്ങില്ലെന്ന് പറഞ്ഞതോടെ തന്നെ കയറിപ്പിടിച്ച് പീഡിപ്പിക്കാൻ ശ്രമിച്ചെന്നാണ് പെൺകുട്ടി പരാതിയിൽ പറയുന്നത്. 

ഡോക്ടർ വാട്സ് ആപ്പിലൂടെ അശ്ലീല സന്ദേശമയയ്ക്കുകയും ചെയ്തിരുന്നു. പിന്നീടാണ് ക്യാബിനിൽ വെച്ച് പീഡന ശ്രമം ഉണ്ടായത്. രഹസ്യബന്ധത്തിന് തയ്യാറാകണമെന്ന് പലതവണ നിർബന്ധിച്ചിരുന്നതായും പെൺകുട്ടി പറഞ്ഞു. ഐപിസി സെക്ഷൻ 354 പ്രകാരം പീഡനശ്രമത്തിന് ഡോക്ടറിനെതിരെ കേസെടുത്തെന്ന് പൊലീസ് വ്യക്തമാക്കി.