ന്യൂഡൽഹി: ഭരണ പ്രതിപക്ഷങ്ങൾ കാത്തിരിക്കുന്ന മേഘാലയ, ത്രിപുര, നാഗാലാൻഡ് സംസ്ഥാനങ്ങളിലെ നിയമസഭ തെരഞ്ഞെടുപ്പ് തിയതി ഇന്ന് പ്രഖ്യാപിക്കും. ഒറ്റ ഘട്ടമായി മൂന്നു സംസ്ഥാനങ്ങളിലും തെരഞ്ഞെടുപ്പ് നടത്തുമെന്നാണ് കരുതുന്നത്.

മാർച്ച് 13ന് മേഘാലയ സർക്കാരിന്റേയും മാർച്ച് 14ന് നാഗലാൻഡ് സർക്കാരിന്റേയും മാർച്ച് ആറിന് ത്രിപുര സർക്കാരിന്റെ കാലവധി പൂർത്തിയാകും. അതേ സമയം കർണാടക നിയമസഭ തെരഞ്ഞെടുപ്പ് തിയതി മാർച്ച് ആദ്യം പ്രഖ്യാപിക്കുമെന്നാണ് സൂചന.തെരഞ്ഞെടുപ്പിനു മുന്നോടിയായി തെരഞ്ഞെടുപ്പ് കമ്മീഷന്റെ നാലംഗസംഘം മൂന്നു സംസ്ഥാനങ്ങളും സന്ദർശിച്ചിരുന്നു.