കുളിക്കാൻ രാത്രി വീട്ടിൽ നിന്നിറങ്ങിയ മധ്യവയസ്‌കൻ കാട്ടാന ആക്രമണത്തിൽ കൊല്ലപ്പെട്ടു; മരിച്ചത് കുട്ടമ്പുഴ പിണവൂർകുടി കോളനിവാസി സന്തോഷ്

കോതമംഗലം; കാട്ടാനയുടെ ആക്രമണത്തിൽ മധ്യവയസ്‌കൻ കൊല്ലപ്പെട്ടു. കുട്ടമ്പുഴ പിണവൂർകുടി കോളനിവാസി സന്തോഷ്(48)ആണ് കൊല്ലപ്പെട്ടത്.വീടിനടുത്ത് തോടിന് സമീപത്താണ് മൃതദ്ദേഹം കാണപ്പെട്ടത്.

ഇന്നലെ രാത്രി 8 മണിയോടെ വീട്ടിൽ നിന്നും കുളിക്കാനിറങ്ങിയതാണ്. വീട്ടിൽ തിരിച്ചെത്താത്തതിനെത്തുടർന്ന് വീട്ടുകാർ അന്വേഷിച്ച് വരുന്നതിനിടെയാണ് മൃതദ്ദേഹം കണ്ടെത്തിയത്. കുട്ടംമ്പുഴ പൊലീസ് മേൽനടപടി സ്വീകരിച്ചുവരുന്നു.കഴിഞ്ഞ ഏതാനും വർഷങ്ങളായി കോളനിയിലും സമീപപ്രദേശങ്ങളിലും കാട്ടാനകളുടെ കടന്നുകയറ്റം വ്യാപകമായിരുന്നു.