അന്തിയുറങ്ങാന്‍ അടച്ചുറപ്പുള്ള വീടില്ലാത്ത പ്രവാസിക്ക് വീട്

അബുദബി : അന്തിയുറങ്ങാന്‍ അടച്ചുറപ്പുള്ള വീടില്ലാത്ത പ്രവാസിക്ക് വീട് നിര്‍മ്മിച്ചു നല്‍കാന്‍ അബുദാബിയിലെ മാധ്യമ കൂട്ടയ്മയായ ഇന്ത്യന്‍ മീഡിയ അബുദബി. 15 ലക്ഷം ഇന്ത്യന്‍ രൂപ ചെലവില്‍ നിര്‍മ്മിക്കുന്ന വീടിനായി അടച്ചുറപ്പുള്ള വീടില്ലാത്ത, 30 വര്‍ഷത്തില്‍ കുറയാതെ വിദേശത്തുള്ള പ്രവാസികളെയാണ് പരിഗണിക്കുക.

ഗള്‍ഫിലെ പ്രമുഖ സംരംഭകനും വിപിഎസ് ഹെല്‍ത്ത് സ്ഥാപകനും എംഡിയുമായ ഡോ. ഷംഷീര്‍ വയലിലിന്റെ പിന്തുണയോടെയാണ് വീട് വച്ച് നല്‍കുക. കൂടുതല്‍ വിവരങ്ങള്‍ക്കായി ഇന്ത്യന്‍ മീഡിയ അബുദബി (ഇമ) പ്രസിഡന്റ് സമീര്‍ കല്ലറ, ജനറല്‍ സെക്രട്ടറി റാശിദ് പൂമാടം (00971558018821) എന്നിവരുമായി ബന്ധപ്പെടാം.