യുഎഇയില്‍ പരിശീലന വിമാനം തകര്‍ന്നുവീണ് അപകടം; പൈലറ്റിന് ദാരുണാന്ത്യം; ട്രെയിനിയെ കണ്ടെത്താൻ തിരച്ചിൽ തുടരുന്നു; അപകടം പറന്നുയര്‍ന്ന് മിനിറ്റുകൾക്കുള്ളിൽ

അബുദാബി: പരിശീലന വിമാനം തകര്‍ന്നുവീണ് പൈലറ്റിന് ദാരുണാന്ത്യം. യുഎഇയിലാണ് സംഭവം നടന്നത്. ടേക്ക് ഓഫ് ചെയ്ത് മിനിറ്റുകൾക്കുള്ളിലാണ് അപകടമെന്ന് അധികൃതർ പറഞ്ഞു. അപകട വിവരം ജനറല്‍ അതോറിറ്റി ഓഫ് സിവില്‍ ഡിഫന്‍സ് ആണ് അറിയിച്ചത്.

പൈലറ്റിനൊപ്പം ഒരു ട്രെയിനിയും വിമാനത്തിൽ ഉണ്ടായിരിന്നു. ഫുജൈറ തീരത്ത് നിന്നാണ് ഇന്‍സ്ട്രക്ടറുടെ മൃതദേഹം കണ്ടെത്തിയത്. അതേസമയം ട്രെയിനിങ് വിദ്യാര്‍ത്ഥിയെ ഇതുവരെ കണ്ടെത്താൻ സാധിച്ചിട്ടില്ല.

രക്ഷാപ്രവര്‍ത്തക സംഘം തിരച്ചില്‍ തുടരുകയാണ്. എയര്‍ക്രാഫ്റ്റിന്‍റെ ഭാഗങ്ങളും കണ്ടെത്താനുണ്ട്. ട്രെയിനി വിദ്യാര്‍ത്ഥി വിദേശിയാണ്. വിമാനം എവിടെ നിന്നാണ് ടേക്ക് ഓഫ് ചെയ്തതെന്ന് വ്യക്തമല്ല. എന്നാല്‍ പറന്നുയര്‍ന്ന് 20 മിനിറ്റിന് ശേഷം തന്നെ റഡാറുമായുള്ള ബന്ധം നഷ്ടപ്പെടുകയായിരുന്നു. ഏവിയേഷന്‍ അതോറിറ്റിക്ക് റിപ്പോര്‍ട്ട് ലഭിച്ചതിനെ തുടര്‍ന്നാണ് സംഭവം പുറത്തറിയുന്നത്.