കാറിന്റെ ഡാഷ്‌ബോർഡിൽ എബിഎസ് (ആന്റി-ലോക്ക് ബ്രേക്കിംഗ് സിസ്റ്റം) മുന്നറിയിപ്പ് ലൈറ്റ് പ്രകാശിക്കുന്നത് സിസ്റ്റത്തിലെ തകരാറിനെയാണ് സൂചിപ്പിക്കുന്നത്. ഇത് ഒരു സുരക്ഷാ മുന്നറിയിപ്പാണ്, അടിയന്തര നടപടി ആവശ്യപ്പെടുന്നു.

എന്താണ് എബിഎസ്?

പെട്ടെന്ന് ബ്രേക്ക് ചെയ്യുമ്പോൾ കാറിന്റെ ചക്രങ്ങൾ ലോക്ക് ആകുന്നത് തടയുന്ന ഒരു സുരക്ഷാ സംവിധാനമാണ് ആന്റി-ലോക്ക് ബ്രേക്കിംഗ് സിസ്റ്റം അഥവാ എബിഎസ്. ഇത് ഡ്രൈവർക്ക് മികച്ച സ്റ്റിയറിംഗ് നിയന്ത്രണം നിലനിർത്താൻ സഹായിക്കുകയും, കാർ തെന്നിമാറുന്നത് തടയുകയും, അതുവഴി അപകടങ്ങൾ ഒഴിവാക്കാൻ സഹായിക്കുകയും ചെയ്യുന്നു.

എബിഎസ് ലൈറ്റ് തെളിഞ്ഞാൽ എന്ത് സംഭവിക്കും?

എബിഎസ് ലൈറ്റ് തെളിയുകയാണെങ്കിൽ, ആന്റി-ലോക്ക് ബ്രേക്കിംഗ് സിസ്റ്റം പ്രവർത്തനരഹിതമാക്കിയിട്ടുണ്ട് എന്നോ അല്ലെങ്കിൽ ഒരു സെൻസറിന് ഗുരുതരമായ തകരാർ സംഭവിച്ചിട്ടുണ്ട് എന്നോ ആണ് സൂചിപ്പിക്കുന്നത്.

ഇത്തരം സാഹചര്യത്തിൽ പെട്ടെന്ന് ബ്രേക്ക് ചെയ്യേണ്ടി വന്നാൽ ചക്രങ്ങൾ ജാം ആയിപ്പോകാനും, അതുവഴി കാറിന്റെ നിയന്ത്രണം നഷ്ടപ്പെടാനും, അപകട സാധ്യത വർദ്ധിക്കാനും സാധ്യതയുണ്ട്.

ഡാഷ്‌ബോർഡിൽ ഈ ലൈറ്റ് കണ്ടാൽ ഉടൻതന്നെ വാഹനം ഒരു സർവീസ് സെന്ററിലോ പ്രാദേശിക മെക്കാനിക്കിന്റെ അടുത്തോ കൊണ്ടുപോയി പരിശോധിപ്പിക്കേണ്ടത് അത്യാവശ്യമാണ്.

സ്വന്തം ലേഖകൻ