ടൊയോട്ടയുടെ ഏറ്റവും കുറഞ്ഞ വിൽപ്പനയുള്ള കാറായ 'ലാൻഡ് ക്രൂയിസർ'; കമ്പനിയെ അമ്പരിപ്പിച്ച് ഇതാ.. മറ്റൊരു ട്വിസ്റ്റ്

ഏറ്റവും കുറഞ്ഞ വിൽപ്പനയുള്ള മോഡലായിരുന്നിട്ടും, ടൊയോട്ട ലാൻഡ് ക്രൂയിസറിൻ്റെ വിൽപ്പന കണക്കുകളിൽ അപ്രതീക്ഷിത മുന്നേറ്റം. കഴിഞ്ഞ മാസം 74 യൂണിറ്റുകളാണ് ടൊയോട്ട വിറ്റഴിച്ചത്. ഇത് ഈ വർഷത്തെ പ്രതിമാസ വിൽപ്പനയിലെ ഏറ്റവും ഉയർന്ന കണക്കാണ്. സെപ്റ്റംബറിൽ വെറും 27 യൂണിറ്റുകൾ മാത്രമാണ് വിറ്റഴിച്ചിരുന്നത്. മാസങ്ങളായി വിൽപ്പന പൂജ്യത്തിൽ നിന്നിരുന്ന ലാൻഡ് ക്രൂയിസർ ഇപ്പോൾ വലിയ മുന്നേറ്റം നടത്തിയിരിക്കുകയാണ്.

ഈ വാഹനത്തിൻ്റെ ഉയർന്ന വിലയാണ് സാധാരണയായി വിൽപ്പനയെ ബാധിക്കുന്നത്. 2.16 കോടി മുതൽ 2.25 കോടി രൂപ വരെയാണ് ഇതിൻ്റെ എക്സ്-ഷോറൂം വില. ഉയർന്ന വില നിലവാരത്തിലും അപ്രതീക്ഷിത വിൽപ്പന വർദ്ധനവ് ടൊയോട്ടയ്ക്ക് ആശ്ചര്യകരമായിട്ടുണ്ട്.

2023 ഓട്ടോ എക്സ്പോയിലാണ് ടൊയോട്ട ലാൻഡ് ക്രൂയിസർ 300 ഇന്ത്യൻ വിപണിയിൽ അവതരിപ്പിച്ചത്. 3.5 ലിറ്റർ ട്വിൻ-ടർബോ V6 ഡീസൽ എഞ്ചിൻ 415 PS പവറും 650 Nm ടോർക്കും ഉത്പാദിപ്പിക്കുന്നു. ഇതിനൊപ്പം 309 PS പവറും 700 Nm ടോർക്കും നൽകുന്ന 3.3 ലിറ്റർ ട്വിൻ-ടർബോ V6 ഡീസൽ എഞ്ചിനും ലഭ്യമാണ്. ഈ രണ്ട് എഞ്ചിനുകളും 10-സ്പീഡ് ഓട്ടോമാറ്റിക് ട്രാൻസ്മിഷനുമായി ബന്ധിപ്പിച്ചിരിക്കുന്നു.

പുതിയ ലാൻഡ് ക്രൂയിസർ 300 മോഡലിന് മസ്കുലർ ഹുഡ്, ടൊയോട്ട ലോഗോയുള്ള ഗ്രിൽ, വൃത്താകൃതിയിലുള്ള ഹെഡ്‌ലൈറ്റുകൾ, ഡിആർഎല്ലുകളുള്ള എൽഇഡി ഫോഗ് ലൈറ്റുകൾ എന്നിവയാണുള്ളത്. ചതുരാകൃതിയിലുള്ള വിൻഡോകളും, സൈഡ് സ്റ്റെപ്പർ, കറുത്ത ഫെൻഡറുകൾ, 16 ഇഞ്ച് വീലുകൾ എന്നിവയും ഇതിൻ്റെ സവിശേഷതകളാണ്. ഡാഷ്ബോർഡിൽ സിൽവർ ആക്സന്റുകൾ, രണ്ട് യുഎസ്ബി പോർട്ടുകൾ, മരം കൊണ്ടുള്ള ഡാഷ്ബോർഡ്, റെട്രോ ലാൻഡ് ക്രൂയിസർ ലോഗോ, മൂന്ന് സ്പോക്ക് സ്റ്റിയറിംഗ് വീൽ എന്നിവയും ഉൾപ്പെടുന്നു.