തിരുവനന്തപുരത്ത് പിആർഎസ് ആശുപത്രിക്ക് സമീപം വൻ തീപിടുത്തം; ആക്രിക്കടയിലെ ഗോഡൗണിനുള്ളിൽ വൻ അഗ്നിബാധ; തീ അണക്കാൻ ഫയർഫോഴ്‌സ് തീവ്രശ്രമം തുടരുന്നു

തിരുവനന്തപുരം: തിരുവനന്തപുരം പി.ആർ.എസ് ആശുപത്രിക്ക് സമീപം വൻ തീപിടുത്തം. ആക്രിക്കടയിലാണ് തീപിടുത്തമുണ്ടായിരിക്കുന്നത്. നിരവധി കടകളും സമീപത്തുണ്ട്. തീ അണയ്ക്കാനുള്ള ശ്രമം തുടരുകയാണ്. ഗോഡൗണിനുള്ളിൽ വൻ തീപിടുത്തമാണുണ്ടായിരിക്കുന്നത്. ആദ്യം ചെറിയ പുക ഉണ്ടാവുകയും പിന്നീട് ഇത് വലിയ തീപിടുത്തമായി മാറുകയുമായിരുന്നു. തീപിടുത്തം നടന്ന സമീപത്തുണ്ടായിരുന്ന ആളുകളെ മാറ്റിയെന്ന വിവരമാണ് ലഭിക്കുന്നത്.