ബെംഗളൂരു: ബെംഗളൂരുവിൽ പൊലീസ് കസ്റ്റഡിയിലിരിക്കെ വിദേശി മരിച്ചു. ആഫ്രിക്കൻ വംശജനായ ജോയൽ മല്ലു എന്ന കോംഗോ പൗരനാണ് മരിച്ചത്. മയക്കുമരുന്ന് കേസിൽ കഴിഞ്ഞ ദിവസമാണ് ജെ.സി നഗർ പൊലീസ് ഇയാളെ അറസ്റ്റ് ചെയ്തത്.

തിങ്കളാഴ്ച വൈകീട്ടോടെയാണ് ജോയൽ മല്ലു മരിച്ചതായുള്ള വിവരം ഇയാളുടെ കൂടെയുള്ള ആഫ്രിക്കൻ പൗരന്മാരെ അറിയിച്ചത്. സംഭവത്തിൽ പ്രതിഷേധിച്ച് ബെംഗളൂരുവിലുള്ള ആഫ്രിക്കൻ പൗരന്മാർ പൊലീസ് സ്റ്റേഷൻ ഉപരോധിച്ചു. നേരത്തെ പൊലീസ് സ്റ്റേഷന് മുന്നിലുള്ള റോഡ് ഉപരോധിച്ച ആഫ്രിക്കൻ പൗരന്മാരെ പൊലീസ് മർദ്ദിക്കുകയും ഓടിക്കുകയും ചെയ്തിരുന്നു.

പൊലീസ് അറസ്റ്റ് ചെയ്യുമ്പോൾ ജോയൽ മല്ലു പൂർണ ആരോഗ്യവാനായിരുന്നു. കസ്റ്റഡിയിലിരിക്കെ എങ്ങനെയാണ് ജീവൻ നഷ്ടമായതെന്ന് അറിയണമെന്നും സംഭവത്തിൽ നീതിയുക്തമായ അന്വേഷണം വേണമെന്നുമാണ് പ്രതിഷേധിച്ച ആഫ്രിക്കൻ പൗരന്മാരുടെ ആവശ്യം. എന്നാൽ ഈ വീട് മയക്കുമരുന്നുമായി ബന്ധപ്പെട്ട് നിരവധി ആഫ്രിക്കൻ പൗരന്മാരാണ് പൊലീസ് പിടിയിലായിരിക്കുന്നത്. മയക്കുമരുന്നിന്റെ മൊത്തവിപണി കയ്യടക്കി വെച്ചിരിക്കുന്നത് ഇവരാണ്.

 

ആഫ്രിക്കൻ വംശജനായ ജോയൽ മല്ലുപൊലീസ് കസ്റ്റഡിയിലിരിക്കെ വിദേശി