മുന്മന്ത്രി കെ ശങ്കരനാരായണ പിള്ള അന്തരിച്ചു; അന്ത്യം ഇന്നലെ രാത്രി വീട്ടിൽ കുഴഞ്ഞു വീണ്  

 

തിരുവനന്തപുരം : മുന്മന്ത്രി കെ ശങ്കരനാരായണ പിള്ള അന്തരിച്ചു. 78 വയസ്സായിരുന്നു. തിങ്കളാഴ്ച രാത്രി 11.30നു പഴവടിയിലെ വീട്ടിൽ കുഴഞ്ഞുവീണ ഇദ്ദേഹത്തെ ഉടൻ നെടുമങ്ങാട് ജില്ലാ ആശുപത്രിയിൽ എത്തിച്ചെങ്കിലും മരിച്ചു.

ഇ കെ നായനാർ മന്ത്രിസഭയിൽ ഗതാഗതമന്ത്രിയായിരുന്നു. 1982 ലും 87 ലും തിരുവനന്തപുരം ഈസ്റ്റ് മണ്ഡലത്തിൽ നിന്നും നിയമസഭയിലെത്തി.

മൃതദേഹം തിരുവനന്തപുരം മെഡിക്കൽ കോളജ് മോർച്ചറിയിൽ. ഗിരിജയാണ് ഭാര്യ. അശ്വതി ശങ്കർ, അമ്പിളി ശങ്കർ എന്നിവർ മക്കളാണ്.