ചൂട് ചായയോടൊപ്പം പയറും കടലമാവും ചേർന്ന പലഹാരങ്ങൾ കഴിക്കുന്നത് നല്ലതാണോ?; ഇത്രയും കാര്യങ്ങൾ നിങ്ങളുടെ ആരോഗ്യത്തെ അപകടത്തിലാക്കും; അറിയാം...

ഇന്ത്യക്കാർക്ക്, പ്രത്യേകിച്ച് മലയാളികൾക്ക്, ചായ ഒരു കേവല പാനീയമല്ല, അതൊരു വികാരമാണ്. ദിവസം രണ്ടുനേരമെങ്കിലും ചായ കുടിക്കുന്നത് നമ്മളുടെയെല്ലാം ശീലത്തിൻ്റെ ഭാഗമാണ്. എന്നാൽ ചായയുടെ രുചി വർദ്ധിപ്പിക്കാനായി പലരും ഒപ്പം കഴിക്കുന്ന ചില ഭക്ഷണങ്ങൾ ആരോഗ്യത്തിന് ദോഷകരമായി ബാധിച്ചേക്കാം. ചായയോടൊപ്പം കഴിക്കുന്നത് ഒഴിവാക്കേണ്ട ഭക്ഷണങ്ങളെക്കുറിച്ചും അവ ഉണ്ടാക്കുന്ന ആരോഗ്യപ്രശ്നങ്ങളെക്കുറിച്ചും അറിഞ്ഞിരിക്കുന്നത് അത്യാവശ്യമാണ്.

1. കടലമാവ് ചേർത്ത പലഹാരങ്ങൾ: ചായയും കടലമാവ് ഉപയോഗിച്ച് ഉണ്ടാക്കുന്ന വിഭവങ്ങളും ഒരുമിച്ച് കഴിക്കുന്നത് ആരോഗ്യത്തിന് ദോഷകരമാണ്. കടലമാവ് രക്തത്തിലേക്ക് ആവശ്യമായ പോഷകങ്ങൾ ആഗിരണം ചെയ്യുന്നതിനെ തടസ്സപ്പെടുത്തുന്നു. ഇത് വയറുവേദന, മലബന്ധം തുടങ്ങിയ ദഹനസംബന്ധമായ പ്രശ്നങ്ങൾക്ക് കാരണമാവാം. അതിനാൽ, ബജി, വട തുടങ്ങിയ കടലമാവ് ചേർന്ന പലഹാരങ്ങൾ ചായ കുടിക്കുമ്പോൾ ഒഴിവാക്കുന്നതാണ് ഉചിതം.

2. ഇരുമ്പ് സമ്പുഷ്ടമായ ഭക്ഷണങ്ങൾ: പയർവർഗ്ഗങ്ങൾ, ചില ധാന്യങ്ങൾ, നിലക്കടല, കശുവണ്ടി പോലുള്ള നട്‌സുകൾ എന്നിവയിൽ ധാരാളം ഇരുമ്പ് അടങ്ങിയിട്ടുണ്ട്. എന്നാൽ, ചായയിൽ അടങ്ങിയിട്ടുള്ള ടാനിനുകൾ, ഓക്സലേറ്റുകൾ എന്നീ സംയുക്തങ്ങൾ ഈ ഭക്ഷണങ്ങളിലെ ഇരുമ്പിനെ ശരീരം ആഗിരണം ചെയ്യുന്നത് തടസ്സപ്പെടുത്തുന്നു. ഇരുമ്പിന്റെ അഭാവം ശരീരത്തിൽ വിളർച്ച ഉൾപ്പെടെയുള്ള ആരോഗ്യപ്രശ്നങ്ങളിലേക്ക് നയിച്ചേക്കാം. അതിനാൽ ഇരുമ്പ് ധാരാളമടങ്ങിയ ഭക്ഷണങ്ങൾ ചായയോടൊപ്പം കഴിക്കുന്നത് ഒഴിവാക്കുക.

3. മഞ്ഞൾ ചേർത്ത ഭക്ഷണങ്ങൾ: മഞ്ഞൾ അടങ്ങിയ ഭക്ഷണങ്ങൾ ചായയോടൊപ്പം കഴിക്കുന്നത് ആരോഗ്യത്തിന് അത്ര നല്ലതല്ല. ഇങ്ങനെ ചെയ്യുമ്പോൾ മഞ്ഞളിലെ സംയുക്തങ്ങൾ ചായയിലെ ഘടകങ്ങളുമായി പ്രതിപ്രവർത്തിക്കുകയും ഇത് വയറിന് അസ്വസ്ഥതകളോ മറ്റ് ദഹനപ്രശ്നങ്ങളോ ഉണ്ടാക്കാൻ കാരണമാവുകയും ചെയ്യും.

ചായയും പോഷകസമൃദ്ധമായ ഭക്ഷണങ്ങളും തമ്മിൽ കുറഞ്ഞത് ഒരു മണിക്കൂറെങ്കിലും ഇടവേള നൽകുന്നത് ഈ ആരോഗ്യപ്രശ്നങ്ങൾ ഒഴിവാക്കാൻ സഹായിക്കും. ദഹനവ്യവസ്ഥയെ സുരക്ഷിതമാക്കാനും ഭക്ഷണത്തിലെ പോഷകങ്ങൾ പൂർണ്ണമായി ശരീരത്തിൽ എത്താനും ഈ ശീലം ഗുണം ചെയ്യും.