വൈത്തിരി: കാറോടിക്കുന്നതിനിടെ ഹൃദയാഘാതമനുഭവപ്പെട്ട മധ്യവയസ്‌കൻ മരിച്ചു. കാർ അപകടത്തിൽപെട്ടു. ആശുപത്രിയിലേക്കുള്ള വഴിമധ്യേ ഇദ്ദേഹം മരണമടയുകയും ചെയ്തു. കോടഞ്ചേരി തുരുത്തിയിൽ വീട്ടിൽ കുര്യൻ (62) ആണ് മരിച്ചത്. ഇദ്ദേഹം ഓടിച്ച കാർ ഇടിച്ചു പടിഞ്ഞാറത്തറ പൊലീസ് സ്റ്റേഷനിലെ സി.പി.ഒ ജിതേഷിന്(33) പരിക്കേറ്റു.

ഇന്ന് ഉച്ചക്ക് 12 മണിക്കാണ് സംഭവം. ഭാര്യ ഏലിയാമ്മയോടൊത്ത് ചുണ്ടേൽ ബന്ധുവീട്ടിലേക്കുള്ള യാത്രക്കിടെയാണ് തളിപ്പുഴയിൽ വെച്ച് കുര്യന് നെഞ്ചുവേദന അനുഭവപ്പെട്ടത്. നിയന്ത്രണം വിട്ട കാർ സ്‌കൂട്ടറിലും തുടർന്ന് കല്ലിലും ഇടിച്ചു നിൽക്കുകയായിരുന്നു. കൽപ്പറ്റയിലെ സ്വകാര്യ ആശുപത്രിയിൽകൊണ്ടുപോയെങ്കിലും മരണപ്പെട്ടു.

 

 

മധ്യവയസ്‌കൻമരണംഹൃദയാഘാതം