ഹില്ലാരി ക്ലിന്റണ് വിഷം കൊടുത്തത് വ്‌ലാദിമെർ പുട്ടിന്റെ ഏജന്റുമാരോ...? പ്രസിഡന്റ് സ്ഥാനാർത്ഥിയുടെ ആരോഗ്യ ചർച്ച കാടുകയറുന്നു
വാഷിങ്ടൺ: 9/11ലെ തീവ്രവാദ ആക്രമണത്തിന്റെ അനുസ്മരണ ചടങ്ങിനിടെ അമേരിക്കൻ പ്രസിഡന്റ് സ്ഥാനാർത്ഥി ഹില്ലാരി ക്ലിന്റൺ കുഴഞ്ഞ് വീണതുമായി ബന്ധപ്പെട്ട ചർച്ചകൾ കാടുകയറുന്നുവെന്നാണ് ഏറ്റവും പുതിയ റിപ്പോർട്ടുകൾ സൂചിപ്പിക്കുന്നത്. റഷ്യൻ പ്രസിഡന്റ് വ്‌ലാദിമെർ പുട്ടിന്റെ ഏജന്റുമാർ ഹില്ലാരിക്ക് വിഷം കൊടുത്തതിനാലാവാം അവർ തളർന്ന് വീണതെന്ന വെളിപ്പെടുത്തലുമായി ഇപ്പോഴിതാ ലോകപ്രശസ്ത ഫോറൻസിക് പാത്തോളജിസ്റ്റായ ഡോ. ബെന്നെറ്റ് ഒമാലും രംഗത്തെത്തിയിരിക്കുന്നു. ഞായറാഴ്ച നടന്ന പരിപാടിക്കിടെ ഹില്ലാരി അവരുടെ സീക്രട്ട് സർവീസ് ഏജന്റുമാരുടെ കൈകളിലേക്ക് കുഴഞ്ഞ് വീഴുകയായിരുന്നു. ന്യൂമോണിയ ബാധയാണെന്നായിരുന്നു തുടർന്ന് നടന്ന പരിശോധനകളിൽ തെളിഞ്ഞിരുന്നത്. തുടർന്ന് ഹില്ലാരിയുടെ ആരോഗ്യത്തെ കുറിച്ച് കടുത്ത ആശങ്ക നിറഞ്ഞ ചർച്ചകളായിരുന്നു ഉയർന്ന് വന്നിരുന്നത്. ഹില്ലാരി ക്ലിന്റന്റെ രക്തം ടോക്‌സികോളജിക് അനലൈസിസിന് വിധേയയാക്കാൻ താൻ അവരുടെ കാംപയിൻകാരോട് നിർദേശിച്ചിരുന്നവെന്നും ഇതിലൂടെ അവർക്ക് വിഷബാധയേറ്റിട്ടുണ്ടെന്ന് തെളിഞ്ഞേക്കാമെന്നും
വാഷിങ്ടൺ: 9/11ലെ തീവ്രവാദ ആക്രമണത്തിന്റെ അനുസ്മരണ ചടങ്ങിനിടെ അമേരിക്കൻ പ്രസിഡന്റ് സ്ഥാനാർത്ഥി ഹില്ലാരി ക്ലിന്റൺ കുഴഞ്ഞ് വീണതുമായി ബന്ധപ്പെട്ട ചർച്ചകൾ കാടുകയറുന്നുവെന്നാണ് ഏറ്റവും പുതിയ റിപ്പോർട്ടുകൾ സൂചിപ്പിക്കുന്നത്. റഷ്യൻ പ്രസിഡന്റ് വ്‌ലാദിമെർ പുട്ടിന്റെ ഏജന്റുമാർ ഹില്ലാരിക്ക് വിഷം കൊടുത്തതിനാലാവാം അവർ തളർന്ന് വീണതെന്ന വെളിപ്പെടുത്തലുമായി ഇപ്പോഴിതാ ലോകപ്രശസ്ത ഫോറൻസിക് പാത്തോളജിസ്റ്റായ ഡോ. ബെന്നെറ്റ് ഒമാലും രംഗത്തെത്തിയിരിക്കുന്നു. ഞായറാഴ്ച നടന്ന പരിപാടിക്കിടെ ഹില്ലാരി അവരുടെ സീക്രട്ട് സർവീസ് ഏജന്റുമാരുടെ കൈകളിലേക്ക് കുഴഞ്ഞ് വീഴുകയായിരുന്നു. ന്യൂമോണിയ ബാധയാണെന്നായിരുന്നു തുടർന്ന് നടന്ന പരിശോധനകളിൽ തെളിഞ്ഞിരുന്നത്. തുടർന്ന് ഹില്ലാരിയുടെ ആരോഗ്യത്തെ കുറിച്ച് കടുത്ത ആശങ്ക നിറഞ്ഞ ചർച്ചകളായിരുന്നു ഉയർന്ന് വന്നിരുന്നത്.
ഹില്ലാരി ക്ലിന്റന്റെ രക്തം ടോക്‌സികോളജിക് അനലൈസിസിന് വിധേയയാക്കാൻ താൻ അവരുടെ കാംപയിൻകാരോട് നിർദേശിച്ചിരുന്നവെന്നും ഇതിലൂടെ അവർക്ക് വിഷബാധയേറ്റിട്ടുണ്ടെന്ന് തെളിഞ്ഞേക്കാമെന്നും ഡോ. ഒമാലു നിർദേശിക്കുന്നു. താൻ പുട്ടിനെയും ട്രംപിനെയും വിശ്വസിക്കുന്നില്ലെന്നും ഇവർ രണ്ടു പേരും ഇതിന് ഉത്തരവാദികളാകാൻ എല്ലാ സാധ്യതയുമുണ്ടെന്നും ഡോക്ടർ അഭിപ്രായപ്പെടുന്നു. അടുത്തിടെ പുറത്തിറങ്ങിയ ഹോളിവുഡ് സിനിമയായ കൺക്ലൂഷനിൽ ഡോ. ഒമാലുവായി പ്രശസ്ത നടൻ വിൽ സ്മിത്ത് വേഷമിട്ടിരുന്നു. യുഎസിലെ മുൻ എൻഎഫ്എൽ ഫുട്‌ബോളർമാരെ അദ്ദേഹം എത്തരത്തിലാണ് ചികിത്സിക്കുന്നതെന്ന് വെളിപ്പെടുത്തുന്ന ചിത്രമായിരുന്നു ഇത്.
എന്നാൽ ഡോ.ഒമാലുവിന്റെ ആരോപണത്തോട് റിപ്പബ്ലിക്കൻ പ്രസിഡന്റ് സ്ഥാനാർത്ഥിയായ ഡൊണാൾഡ് ട്രംപ് പ്രതികരിച്ചിട്ടില്ല. ഹില്ലാരിക്ക വേഗം സുഖപ്പെടട്ടേയെന്നും സെപ്റ്റംബർ 22ന് നടക്കുന്ന ടെലിവിഷൻ ചർച്ചയിൽ അവരുണ്ടാകുമെന്നാണ് പ്രതീക്ഷിക്കുന്നതെന്നുമാണ് ട്രംപ് പ്രതികരിച്ചിരിക്കുന്നത്. ദിവസങ്ങൾക്ക് മുമ്പ് തൊഴിലാളി ദിനത്തിൽ ഓഹിയോവിലെ പ്രചാരണത്തിൽ പ്രസംഗിക്കുമ്പോൾ ഹില്ലാരിക്ക് കടുത്ത ചുമ അനുഭവപ്പെട്ടിരുന്നു. അത് ന്യൂമോണിയ ആയി പരിണമിക്കുകയായിരുന്നുവെന്നും റിപ്പോർട്ടുണ്ട്.
ന്യൂയോർക്കിലെ ചപ്പാക്വായിലെ ഹില്ലാരിയുടെ വീട്ടിൽ വച്ച് നടത്തിയ വിശദമായ പരിശോധനയ്ക്ക് ശേഷമാണ് ഡോക്ടർ അവർക്ക് ന്യൂമോണിയ ആണെന്ന വിവരം ഹില്ലാരിയുടെ കാംപയിൻ ടീമിലൂടെ പുറത്ത് വിട്ടിരിക്കുന്നത്. അലർജി മൂലമുള്ള തുടർച്ചയായുള്ള്ള ചുമ മൂലം ഹില്ലാരി വിഷമത അനുഭവിച്ചിരുന്നുവെന്നും നിലവിൽ ന്യൂമോണിയയ്ക്ക് അടിപ്പെട്ടിരിക്കുന്നുവെന്നും ആന്റിബയോട്ടിക്‌സ് നൽകി വിശ്രമിക്കാനും നേരത്തെ തയ്യാറാക്കിയ ഷെഡ്യൂളുകൾ മാറിയ സാഹചര്യത്തിനനുസരിച്ച് പുനക്രമീകരിക്കാൻ ഡോക്ടർ നിർദേശിച്ചിരുന്നു.
ട്വിൻ ടവർ സൈറ്റിൽ ചടങ്ങിൽ പങ്കെടുത്തുകൊണ്ട് നിന്നിരുന്ന ഹില്ലാരി നിൽക്കാൻ കഴിയാതെ വിഷമിക്കുന്നതും തുടർന്ന് വീഴുന്നതുമായ ഫൂട്ടേജ് പുറത്ത് വന്നിരുന്നു. ഉടൻ അവരുടെ സഹായികളും സീക്രട്ട് സർവീസ് ഏജന്റുമാരും അവരെ താങ്ങിയെടുത്ത് വാനിന്റെ പുറക് സീറ്റിലേക്ക് എടുത്ത് കിടത്തുകയായിരുന്നു.പിന്നീട് മകൾ ചെൽസിയയുടെ മാൻഹാട്ടനിലുള്ള അപാർട്ട്‌മെന്റിലേക്ക് കൊണ്ടു പോയിരുന്നു. രണ്ട് മണിക്കൂറിന് ശേഷം രാവിലെ 11.45ന് ഹില്ലാരി തെളിഞ്ഞ പുഞ്ചിരിയോടെ എഴുന്നേൽക്കുകയും തനിക്ക് കുഴപ്പമില്ലെന്ന് പറയുകയും ചെയ്തിരുന്നു. അൽപസമയം കഴിഞ്ഞ് ന്യൂയോർക്കിലെ ചാപാക്വേയിലുള്ള തന്റെ വസതിയിലേക്കായിരുന്നു അവർ പോയിരുന്നത്.
