തിരുവനന്തപുരം: കിളിമാനൂർ പുല്ലയിൽ തേനീച്ചയുടെ അക്രമത്തിൽ ഒരാൾ മരിച്ചു. പുല്ലയിൽ മൊട്ടലുവിള രേവതി ഭവനിൽ വി.ബാബു ആണ് മരിച്ചത്. സംഭവത്തിൽ 36 പേർക്ക് പരുക്കേറ്റു. മൊട്ടലുവിള വാട്ടർടാങ്കിന് സമീപം മരത്തിന്മേലുണ്ടായിരുന്ന തേനീച്ചക്കൂട് ഇളകിയതിനെ തുടർന്ന് രാവിലെ ഒൻപതരയോടെയാണ് തേനീച്ചകൾ പ്രദേശവാസികളെ ആക്രമിച്ചത്.

ഇതുവഴി പോയ ഇരുചക്ര വാഹനയാത്രക്കാർക്കും തേനീച്ചയുടെ കുത്തേറ്റു. വൈകിട്ട് മൂന്നുമണിയോടെ വീണ്ടും തേനീച്ചകളുടെ ആക്രമണത്തിൽ കൂടുതൽ പേർക്ക് പരുക്കേറ്റു. നഗരൂർ പൊലീസും വെഞ്ഞാറമൂട്‌നിന്ന് ഫയർഫോഴ്‌സും സ്ഥലത്തെത്തി നാട്ടുകാരെ സുരക്ഷിതമായ സ്ഥലത്തേക്ക് മാറ്റി.

തിരുവനന്തപുരംതേനീച്ച ആക്രമണംമരണംവി.ബാബു