ലക്‌നോ: ഉത്തർപ്രദേശിലെ ലക്‌നോവിൽ മാംസാഹാരം കഴിക്കാൻ ഭാര്യ അനുവദിക്കാത്തതിനെ തുടർന്നു ഭർത്താവ് ജീവനൊടുക്കി. ലക്‌നോവിലെ ഗോമതി നഗറിൽ വ്യാഴാഴ്ച രാത്രിയായിരുന്നു സംഭവം. ഡോക്ടറായ ഉമശങ്കറാണ് ജീവനൊടുക്കിയത്. മാംസാഹാരത്തിനായി ഭാര്യയുമായി ഇയാൾ വഴക്കുണ്ടാക്കിയിരുന്നുവെന്നും ഇതിനു പിന്നാലെയാണ് ജീവനൊടുക്കിയതെന്നും പൊലീസ് പറഞ്ഞു. ഡോക്ടറെ വീട്ടിൽ തൂങ്ങി മരിച്ച നിലയിലാണ് കണ്ടെത്തിയതെന്നും സംഭവത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചതായി പൊലീസ് അറിയിച്ചു.