റബർ- ആഭ്യന്തരവില അട്ടിമറിക്കു പിന്നിൽ കേന്ദ്രസർക്കാരും റബർ ബോർഡും; വി സി സെബാസ്റ്റ്യൻ
കോട്ടയം: റബറിന്റെ രാജ്യാന്തരവില ഉയർന്നിട്ടും ആഭ്യന്തരവില കുത്തനെ ഇടിയുന്നതിന്റെ പിന്നിൽ കേന്ദ്രസർക്കാരിന്റെ റബർ കർഷകവിരുദ്ധനിലപാടും റബർ ബോർഡിന്റെ ഒത്താശയുമാണന്നും ഉരുക്കിനും പരുത്തിക്കും അടയ്ക്കായ്ക്കും അടിസ്ഥാനവില നിശ്ചയിച്ചവർ റബറിന്റെ കാര്യത്തിൽ സ്വീകരിച്ചിരിക്കുന്ന വിരുദ്ധ നിലപാട് തിരുത്തണമെന്നും ഇൻഫാം ദേശീയ സെക്രട്ടറി ജനറൽ ഷെവലിയർ അഡ്വ.വി.സി.സെബാസ്റ്റ്യൻ ആവശ്യപ്പെട്ടു. റബറിന്റെ ആഭ്യന്തരവില കിലോഗ്രാമിന് ഇതിനോടകം 127 രൂപയിൽ നിന്ന് 113 രൂപയിലേയ്ക്ക് താണു. ഈ സ്ഥിതി തുടർന്നാൽ ഏതാനും ദിവസങ്ങൾക്കുള്ളിൽ 100 രൂപയാകും. അതേസമയം അന്താരാഷ്ട്രവില 106ൽ നിന്ന് 111 രൂപയായി വർദ്ധിച്ചിരിക്കുന്നു. ഭരണസംവിധാനങ്ങളെ നോക്കുകുത്തികളാക്കി വൻകിട വ്യാപാരികൾ പ്രകൃതിദത്ത റബറിന്റെ ആഭ്യന്തരവില നിശ്ചയിക്കുമ്പോൾ ഇവർക്കുമുമ്പിൽ കേന്ദ്രസർക്കാർ മുട്ടുമടക്കിയിരിക്കുന്നത് കർഷകരോടുള്ള വഞ്ചനാപരമായ നിലപാടാണ്. ദ
കോട്ടയം: റബറിന്റെ രാജ്യാന്തരവില ഉയർന്നിട്ടും ആഭ്യന്തരവില കുത്തനെ ഇടിയുന്നതിന്റെ പിന്നിൽ കേന്ദ്രസർക്കാരിന്റെ റബർ കർഷകവിരുദ്ധനിലപാടും റബർ ബോർഡിന്റെ ഒത്താശയുമാണന്നും ഉരുക്കിനും പരുത്തിക്കും അടയ്ക്കായ്ക്കും അടിസ്ഥാനവില നിശ്ചയിച്ചവർ റബറിന്റെ കാര്യത്തിൽ സ്വീകരിച്ചിരിക്കുന്ന വിരുദ്ധ നിലപാട് തിരുത്തണമെന്നും ഇൻഫാം ദേശീയ സെക്രട്ടറി ജനറൽ ഷെവലിയർ അഡ്വ.വി.സി.സെബാസ്റ്റ്യൻ ആവശ്യപ്പെട്ടു.
റബറിന്റെ ആഭ്യന്തരവില കിലോഗ്രാമിന് ഇതിനോടകം 127 രൂപയിൽ നിന്ന് 113 രൂപയിലേയ്ക്ക് താണു. ഈ സ്ഥിതി തുടർന്നാൽ ഏതാനും ദിവസങ്ങൾക്കുള്ളിൽ 100 രൂപയാകും. അതേസമയം അന്താരാഷ്ട്രവില 106ൽ നിന്ന് 111 രൂപയായി വർദ്ധിച്ചിരിക്കുന്നു. ഭരണസംവിധാനങ്ങളെ നോക്കുകുത്തികളാക്കി വൻകിട വ്യാപാരികൾ പ്രകൃതിദത്ത റബറിന്റെ ആഭ്യന്തരവില നിശ്ചയിക്കുമ്പോൾ ഇവർക്കുമുമ്പിൽ കേന്ദ്രസർക്കാർ മുട്ടുമടക്കിയിരിക്കുന്നത് കർഷകരോടുള്ള വഞ്ചനാപരമായ നിലപാടാണ്. ദേശീയ റബർനയം വന്നാൽ പ്രശ്‌നങ്ങൾക്കു പരിഹാരമാകുമെന്ന് ചില കേന്ദ്രങ്ങൾ നടത്തുന്ന പ്രചാരണം വാസ്തവവിരുദ്ധമാണ്. കേന്ദ്രസർക്കാരിന്റെ റബർനയം വൻകിട വ്യവസായലോബിയെ സംരക്ഷിക്കുവാനാണെന്നുള്ളത് കർഷകർ തിരിച്ചറിയണം. സംയോജിത സാമ്പത്തിക പങ്കാളിത്ത ഉടമ്പടിയെന്ന പുത്തൻ അന്താരാഷ്ട്ര കരാറിലൂടെ 2017 ജനുവരി മുതൽ ആസിയാൻ രാജ്യങ്ങൾ ഉൾപ്പെടെ 16 രാജ്യങ്ങളിൽനിന്ന് പ്രകൃതിദത്ത റബറും റബറുല്പന്നങ്ങളും നികുതിരഹിതമായി ഇറക്കുമതി ചെയ്യപ്പെടുകയാണ്. വിദേശരാജ്യങ്ങളിൽ സ്ഥലം പാട്ടത്തിനെടുത്ത് റബർകൃഷി ചെയ്യുന്ന ഇന്ത്യയിലെ വൻ റബർവ്യവസായികളുടേതാണ് നികുതിയില്ലാതെ ഇറക്കുമതിചെയ്യുന്ന പ്രകൃതിദത്ത റബറിന്റെയും റബറുല്പന്നങ്ങളുടെയും നല്ലൊരു ശതമാനവും. ഇതിന് കേന്ദ്രസർക്കാർ പച്ചക്കൊടി കാണിച്ചിരിക്കുമ്പോൾ വരുംനാളുകളിൽ കേരളത്തിലെ കർഷകർ റബർകൃഷി ഉപേക്ഷിക്കേണ്ട സാഹചര്യം സൃഷ്ടിക്കപ്പെടുമെന്നും നിലനില്പിനായി ബഹുവിള കൃഷിയിലേയ്ക്ക് കർഷകർ അടിയന്തരമായി മാറണമെന്നും വി.സി.സെബാസ്റ്റ്യൻ പറഞ്ഞു.
ഇൻഫാമിന്റെ നേതൃത്വത്തിൽ കേരളത്തിലെ വിവിധ കേന്ദ്രങ്ങളിൽ പുത്തൻ അന്താരാഷ്ട്ര കരാറുകളെക്കുറിച്ചും കാർഷികമേഖല നേരിടുന്ന വെല്ലുവിളികളെക്കുറിച്ചും കർഷകബോധവൽക്കരണ സെമിനാറുകൾ നവംബർ മാസത്തിൽ സംഘടിപ്പിക്കുന്നതാണ്.
