ആലപ്പുഴ : അന്തർ സംസ്ഥാന ലഹരി കടത്തു സംഘം ആലപ്പുഴയിൽ പിടിയിലായി. ജില്ലാ പൊലീസ് മേധാവിക്കു ലഭിച്ച രഹസ്യവിവരത്തിന്റെ അടിസ്ഥാനത്തിൽ ആലപ്പുഴ ലഹരി വിരുദ്ധ സ്‌ക്വാഡും,ആലപ്പുഴ നോർത്ത് പൊലീസും നടത്തിയ പരിശോധനയിലാണ് പ്രതികൾ പിടിയിലായത്.

എറണാകുളം ഇടപ്പള്ളി സ്വദേശി പല്യറ്റിൽ മൊയ്ദീൻ മകൻ മുജീബ്,ആലുവ സ്വദേശി കുണ്ടിൽ വാസു മകൻ പ്രമോദ് എന്നിവരെയാണ് പൊലീസ് അറസ്റ്റ് ചെയ്തത്.ഇവരിൽ നിന്നും 1000 ത്തോളം ഹാൻസും, കൂളും പിടിച്ചെടുത്തു.വിപണിയിൽ 1.50 ലക്ഷത്തോളം വിലവരുമെന്ന് പൊലീസ് വ്യക്തമാക്കി

സിനിമാറ്റിക്ക് സ്റ്റൈല് ചേസിംങ്ങിലുടെയാണ് പൊലീസ് പ്രതികളെ വലയിലാക്കിയത്. എറണാകുളം- പെരുമ്പാവൂരിൽ നിന്നും വൻതോതിൽ ഹാൻസ്, കൂൾ തുടങ്ങിയ നിരോധിത ലഹരി പഥാർത്ഥങ്ങൾ ആലപ്പുഴ,ഹരിപ്പാട് ഭാഗങ്ങളിലേക്ക് കാറിൽ കൊണ്ടുപോകും വഴി കലവൂർ കാത്തുനിന്ന പൊലീസ് സംഘത്തെ പിന്തുടരുകയും, ആലപ്പുഴ കൊമ്മാടി ഭാഗത്തുവെച്ചു പിടികൂടുകയായിരുന്നു. ലോക്ക്ഡൗൺ കാലത്തു സംസ്ഥാനത്തിന്റെ വിവിധ ഭാഗങ്ങളിൽ ലഹരി ഉത്പ്പന്ന വിപണനം തകൃതിയാവുകയാണ്. ഈ സാഹചര്യത്തിലാണ് പൊലീസ് നടപടി കർശനമാക്കിയത്.

ആലപ്പുഴപൊലീസ്ലഹരി സംഘം

മറുനാടന്‍ മലയാളി

    മറുനാടന്‍ മലയാളി ബ്യൂറോ