ചെന്നൈ: ഇന്ത്യൻ പ്രീമിയർ ലീഗ് ട്വന്റി20 ക്രിക്കറ്റിന്റെ പുതിയ സീസണിലേക്കുള്ള താരലേലം വ്യാഴാഴ്ച ഉച്ചകഴിഞ്ഞു മൂന്ന് മുതൽ ചെന്നൈയിൽ നടക്കും. 164 ഇന്ത്യൻ താരങ്ങൾ ഉൾപ്പെടെ 292 പേരാണു മിനി ലേലത്തിൽ പങ്കെടുക്കുന്നത്. 8 ടീമുകളിലായി പരമാവധി 61 താരങ്ങൾക്ക് അവസരമൊരുങ്ങും. വിദേശതാരങ്ങളിൽനിന്ന് 22 പേർക്കാണു ടീമുകളുടെ വിളിയെത്തുക. താരലേലം സ്റ്റാർ സ്പോർട്സ് ചാനലുകളിൽ തൽസമയം കാണാം.

താരലേലത്തിനു മുന്നോടിയായി എട്ടു ടീമുകളും ചേർന്ന് 139 താരങ്ങളെയാണ് നിലനിർത്തിയത്. 57 താരങ്ങളെ റിലീസ് ചെയ്തു. ലേലത്തിൽ ഏറ്റവുമധികം തുകയുമായെത്തുന്ന ടീം പഞ്ചാബ് കിങ്‌സാണ്. 5 വിദേശതാരങ്ങളുൾപ്പെടെ 9 കളിക്കാരെ തേടുന്ന കിങ്‌സിന് 53.2 കോടി രൂപ ലേലത്തിൽ ചെലവഴിക്കാം.

മലയാളി താരം സഞ്ജു സാംസൺ നായകനാകുന്ന രാജസ്ഥാൻ റോയൽസാണു ലേലത്തുകയിൽ രണ്ടാമത്; 37.85 കോടി. മൂന്നു വിദേശതാരങ്ങളുൾപ്പെടെ 9 പേർക്കാകും റോയൽസിന്റെ വിളിയെത്തുക.

35.4 കോടിയുള്ള ബെംഗളൂരു റോയൽ ചാലഞ്ചേഴ്‌സാണു 3-ാം സ്ഥാനത്ത്. ലേലത്തിൽ ഏറ്റവും കൂടുതൽ കളിക്കാരെ തേടുന്ന ടീമും ബെംഗളൂരുവാണ്. ഡൽഹിയിൽ നിന്നു 2 താരങ്ങളെ (ഓസീസ് ഓൾറൗണ്ടർ ഡാനിയൽ സാംസും ഹർഷൽ പട്ടേലും) ട്രേഡിങ് വിൻഡോയിലൂടെ സ്വന്തമാക്കിയിട്ടുള്ള ബെംഗളൂരുവിന് ഇനി 11 പേരെക്കൂടി കൂടെക്കൂട്ടാം. ഇതിൽ മൂന്ന് വിദേശ താരങ്ങളും ഉൾപ്പെടുന്നു.

കാര്യമായ മാറ്റങ്ങൾക്കു ശ്രമിക്കാത്ത രണ്ടു ടീമുകൾ ഹൈദരാബാദും കൊൽക്കത്തയുമാണ്. നിലവിലെ ടീം ഏറെക്കുറെ നിലനിർത്തിയ ഇരുസംഘങ്ങളും 5 താരങ്ങളെ മാത്രമേ റിലീസ് ചെയ്തിട്ടുള്ളൂ. നിലവിലെ ജേതാക്കളായ മുംബൈ ഇന്ത്യൻസിന്റെ വിദേശനിരയിലാണു പ്രകടമായ മാറ്റം. മുംബൈ ഒഴിവാക്കിയ ഏഴിൽ 5 പേരും വിദേശതാരങ്ങൾ.

ഹർഭജൻ സിങ്, കേദാർ ജാദവ്, ഗ്ലെൻ മാക്സ്വെൽ, സ്റ്റീവ് സ്മിത്ത്, ഷാകിബ് അൽ ഹസ്സൻ, മോയീൻ അലി, സാം ബില്ലിങ്സ്, ലയം പ്ലങ്കറ്റ്, ജേസൺ റോയ്, മാർക് വുഡ് എന്നിവരാണ് ഏറ്റവും ഉയർന്ന അടിസ്ഥാന വിലയായ രണ്ട് കോടി രൂപയുടെ പട്ടികയിലുള്ളത്.

ഒന്നരക്കോടി രൂപ അടിസ്ഥാന വിലയുള്ള 12 താരങ്ങളിൽ ഇന്ത്യക്കാർ ആരുമില്ല. ഒരു കോടിരൂപ അടിസ്ഥാന വിലയുള്ള പട്ടികയിൽ ഉമേഷ് യാദവും ഹനുമ വിഹാരിയും ഉൾപ്പടെ അഞ്ച് താരങ്ങൾ. ജലജ് സക്സേന, മുഹമ്മദ് അസ്ഹറുദ്ദീൻ, വിഷ്ണു വിനോദ്, എം ഡി നിധീഷ്, സച്ചിൻ ബേബി എന്നീ കേരള താരങ്ങളും ലേലപട്ടികയിലുണ്ട്. സച്ചിൻ ടെൻഡുൽക്കറുടെ മകൻ അർജുന് 20 ലക്ഷം രൂപയാണ് അടിസ്ഥാന വില. 16 വയസുകാരൻ അഫ്ഗാൻ സ്പിന്നർ നൂർ അഹമ്മദ് ഏറ്റവും പ്രായം കുറഞ്ഞതാരം. 42കാരൻ നയൻ ദോഷി ഏറ്റവും പ്രായമേറിയ താരം.

ലേലത്തിൽ പഞ്ചാബ് കിങ്സിനാണ് ഏറ്റവും കൂടുതൽ തുക ബാക്കിയുള്ളത്, 53.2 കോടിരൂപ. 10.75 കോടിരൂപ വീതം ബാക്കിയുള്ള കൊൽക്കത്ത നൈറ്റ് റൈഡേഴ്സിനും സൺറൈസേഴ്സ് ഹൈദരാബാദിനുമാണ് ഏറ്റവും കുറച്ച് തുക ബാക്കിയുള്ളത്. അഫ്ഗാനിസ്ഥാന്റെ പതിനാറുകാരൻ സ്പിന്നർ നൂർ അഹമ്മദാണ് താരലേല പട്ടികയിലെ ഏറ്റവും പ്രായംകുറഞ്ഞതാരം. 42കാരൻ സ്പിന്നർ നയൻ ദോഷി ഏറ്റവും പ്രായമേറിയ താരവും.

ടീമുകളും ലേലത്തുകയും

കിങ്‌സ് ഇലവൻ 53.20 കോടി രൂപ, രാജസ്ഥാൻ റോയൽസ് 37.85 കോടി രൂപ, റോയൽ ചാലഞ്ചേഴ്‌സ് 35.40 കോടി രൂപ, ചെന്നൈ സൂപ്പർ കിങ്‌സ് 19.90 കോടി രൂപ, മുംബൈ ഇന്ത്യൻസ് 15.35 കോടി രൂപ, ഡൽഹി ക്യാപ്പിറ്റൽസ് 13.40 കോടി രൂപ, കൊൽക്കത്ത നൈറ്റ്‌റൈഡേഴ്‌സ് 10.75 കോടി രൂപ, സൺറൈസേഴ്‌സ് ഹൈദരാബാദ് 10. 75 കോടി രൂപ.

ഓരോ ടീമുകളും നിലനിർത്തിയ താരങ്ങൾ

പഞ്ചാബ് കിങ്‌സ്
കെ.എൽ. രാഹുൽ, ക്രിസ് ഗെയ്ൽ, മായങ്ക് അഗർവാൾ, മൻദീപ് സിങ്, സർഫറാസ് ഖാൻ, ദീപക് ഹൂഡ, പ്രഭ്‌സിമ്രാൻ സിങ്, മുഹമ്മദ് ഷമി, നിക്കോളാസ് പുരാൻ, ക്രിസ് ജോർദാൻ, ദർഷൻ നൽകണ്ഡ, രവി ബിഷ്‌ണോയ്, മുരുകൻ അശ്വിൻ, അർഷ്ദീപ് സിങ്, ഹർപ്രീത് ബ്രാർ, ഇഷാൻ പോറെൽ

രാജസ്ഥാൻ റോയൽസ്
സഞ്ജു സാംസൺ, മനൻ വോഹ്‌റ, ഡേവിഡ് മില്ലർ, ജോസ് ബട്‌ലർ, യശ്വസ്വി ജയ്‌സ്വാൾ, റോബിൻ ഉത്തപ്പ, അനൂജ് റാവത്ത്, ബെൻ സ്റ്റോക്‌സ്, രാഹുൽ തെവാത്തിയ, മഹിപാൽ ലോംറോർ, റയാൻ പരാഗ്, ജോഫ്ര ആർച്ചർ, ജയ്ദേവ് ഉനദ്കട്, കാർത്തിക് ത്യാഗി, ശ്രേയസ് ഗോപാൽ, മായങ്ക് മാർക്കണ്ഡെ, ആൻഡ്രൂ ടൈ

റോയൽ ചാലഞ്ചേഴ്‌സ് ബാംഗ്ലൂർ
വിരാട് കോലി, എബി ഡിവില്ലിയേഴ്‌സ്, യുസ്വേന്ദ്ര ചെഹൽ, ദേവ്ദത്ത് പടിക്കൽ, വാഷിങ്ടൻ സുന്ദർ, മുഹമ്മദ് സിറാജ്, നവ്ദീപ് സെയ്‌നി, ജോഷ്വ ഫിലിപ്പെ, ഷഹബാസ് അഹമ്മദ്, ആദം സാംപ, കെയ്ൻ റിച്ചാർഡ്‌സൻ, പവൻ ദേശ്പാണ്ഡെ

ചെന്നൈ സൂപ്പർ കിങ്‌സ്
എം എസ് ധോണി, എൻ ജഗദീശൻ, ആർ ഗെയ്ഗവാദ്, കെ എം ആസിഫ്, ആർ ജഡേജ, ജെ ഹെസൽവുഡ്, കെ ശർമ, എ റായിഡു, എസ് റെയ്‌ന, ഐ താഹിർ, ഡി ചഹർ, ഫാഫ് ഡുപ്ലസിസ്, എസ് താക്കൂർ, മിച്ചൽ സാന്റനർ, ഡി ബ്രാവോ, എൽ എങ്കിഡി, എസ് കറൺ, എസ് കിഷോർ

മുംബൈ ഇന്ത്യൻസ്
രോഹിത് ശർമ, ക്വിന്റൻ ഡികോക്ക്, സൂര്യകുമാർ യാദവ്, ഇഷാൻ കിഷൻ, ക്രിസ് ലിൻ, അന്മോൽപ്രീത് സിങ്, സൗരഭ് തിവാരി, ആദിത്യ താരെ, കീറൺ പൊള്ളാർഡ്, ഹാർദിക് പാണ്ഡ്യ, ക്രുനാൽ പാണ്ഡ്യ, അനുകൂൽ റോയ്, ജസ്പ്രീത് ബുമ്ര, ട്രെന്റ് ബോൾട്ട്, രാഹുൽ ചാഹർ, ജയന്ത് യാദവ്, ധവാൽ കുൽക്കർണി, മൊഹ്‌സിൻ ഖാൻ

ഡൽഹി ക്യാപിറ്റൽസ്
ശിഖർ ധവാൻ, പൃഥ്വി ഷാ, അജിൻക്യ രഹാനെ, ഋഷഭ് പന്ത്, ശ്രേയസ് അയ്യർ, അക്‌സർ പട്ടേൽ, അമിത് മിശ്ര, ഇഷാന്ത് ശർമ, രവിചന്ദ്രൻ അശ്വിൻ, ലളിത് യാദവ്, ഹർഷൽ പട്ടേൽ, ആവേശ് ഖാൻ, പ്രവീൺ ദുബെ, കഗീസോ റബാദ, ആന്റിച് നോർട്യ, മാർക്കസ് സ്റ്റോയ്‌നിസ്, ഷിംറോൺ ഹെറ്റ്‌മെയർ, ക്രിസ് വോക്‌സ്, ഡാനിയൽ സാംസ്

കൊൽക്കത്ത നൈറ്റ് റൈഡേഴ്‌സ്
ദിനേഷ് കാർത്തിക്, നിതീഷ് റാണ, ശുഭ്മാൻ ഗിൽ, റിങ്കു സിങ്, ഒയിൻ മോർഗൻ രാഹുൽ ത്രിപാഠി, സുനിൽ നരൈൻ, ആന്ദ്രെ റസ്സൽ, പാറ്റ് കമ്മിൻസ്, വരുൺ ചക്രവർത്തി, ലോക്കി ഫെർഗൂസൻ, കുൽദീപ് യാദവ്, കംലേഷ് നാഗർകോട്ടി, ശിവം മാവി, പ്രാസിദ് കൃഷ്ണ, സന്ദീപ് വാരിയർ

സൺറൈസേഴ്‌സ് ഹൈദരാബാദ്
ഡേവിഡ് വാർണർ, കെയ്ൻ വില്യംസൻ, മനീഷ് പാണ്ഡെ, പ്രിയം ഗാർഗ്, വിരാട് സിങ്, വൃദ്ധിമാൻ സാഹ, ജോണി ബെയർ‌സ്റ്റോ, ശ്രീവത്സ് ഗോസ്വാമി, വിജയ് ശങ്കർ, മുഹമ്മദ് നബി, മിച്ചൽ മാർഷ്, ജെയ്‌സൻ ഹോൾഡർ, അഭിഷേക് ശർമ, അബ്ദുൽ സമദ്, ഭുവനേശ്വർ കുമാർ, റാഷിദ് ഖാൻ, ടി.നടരാജൻ, സന്ദീപ് ശർമ, ഖലീൽ അഹമ്മദ്, സിദ്ധാർഥ് കൗൾ, ബേസിൽ തമ്പി, ഷഹബാസ് നദീം

ipl auction

സ്പോർട്സ് ഡെസ്ക്

    സ്പോർട്സ് ഡെസ്ക്