നീനാ:(കൗണ്ടി ടിപ്പററി) : നീനാ കൈരളിയുടെ ആഭിമുഖ്യത്തില്‍ സംഘടിപ്പിക്കപ്പെട്ട 'ഒരുമ 2025' നീനാ സ്‌കൗട്ട് ഹാളില്‍ വച്ച് വര്‍ണാഭമായി നടന്നു. പ്രത്യാശയും,ഐശ്വര്യവും,സ്‌നേഹവും വിളിച്ചോതുന്ന ഈസ്റ്റര്‍,വിഷു,ഈദ് ആഘോഷങ്ങള്‍ ഒരുമയുടെ സന്ദേശത്തില്‍ ആഘോഷിക്കാന്‍ കൈരളിക്ക് സാധിച്ചു. നീനാ സെന്റ് മേരിസ് ചര്‍ച്ചിലെ വൈദികരായ ഫാ.റെക്‌സന്‍ ചുള്ളിക്കല്‍, ഫാ.ജോഫിന്‍ ജോസ്,ഒപ്പം ഫാ.യാക്കൂബ് എന്നിവരും തുടര്‍ന്നു കമ്മറ്റി അംഗങ്ങളും ചേര്‍ന്നു തിരിതെളിച്ചതോടെ ആഘോഷങ്ങള്‍ക്ക് തുടക്കമായി.

ഒരുമയുടെ മനോഹരമായ സന്ദേശം ഫാ.റെക്‌സന്‍ ചുള്ളിക്കല്‍ നല്‍കി.തുടര്‍ന്നു നിരവധി സ്‌കിറ്റുകള്‍,കൂട്ടുകളുടെയും മുതിര്‍ന്നവരുടെയും വിവിധങ്ങളായ കലാപരിപാടികള്‍, നൃത്ത പരിപാടികള്‍ ,സംഗീതാലാപം തുടങ്ങി കാണികളെ ഈസ്റ്റര്‍, വിഷു,ഈദ് ആഘോഷങ്ങളുടെ പവിത്രതയിലേയ്ക്കും,ചിന്തകളിലേയ്ക്കും കൂട്ടികൊണ്ട് പോകുന്ന അനവധി പരിപാടികള്‍ അവതരിപ്പിക്കപ്പെട്ടു.

തുടര്‍ന്നു നീനാ കൈരളിയുടെ വെബ്‌സൈറ്റ് ആയ https://nenaghkairali.com ന്റെ സ്വിച്ച് ഓണ്‍ കര്‍മ്മം ഫാ.യാക്കൂബ് നിര്‍വഹിച്ചു.പിന്നീട് വിഭവസമൃദ്ധമായ ഡിന്നറോടെ ആഘോഷപരിപാടികള്‍ക്ക് തിരശീല വീണു.കമ്മറ്റി അംഗങ്ങളായ ഷിന്റോ,സിനു,സഞ്ജു,തോംസണ്‍,സോഫി,നിഷ,രോഹിണി,രമ്യ എന്നിവര്‍ പരിപാടികള്‍ക്ക് നേതൃത്വം നല്‍കി.2025/26 വര്‍ഷത്തെ കമ്മറ്റി അംഗങ്ങളായി ജെയ്‌സണ്‍,ജിബിന്‍,പ്രദീപ്,ടെല്‍സ്,ജെസ്‌ന,എയ്ഞ്ചല്‍,ജിജി,വിനയ എന്നിവര്‍ തെരഞ്ഞെടുക്കപ്പെട്ടു.

വാര്‍ത്ത: ജോബി മാനുവല്‍

സ്വന്തം ലേഖകൻ