ഒരുക്കങ്ങള്‍ പൂര്‍ത്തിയായി; ഡബ്ലിന്‍ മലബാര്‍ സഭയുടെ നോമ്പ്കാല ധ്യാനം വെള്ളിയാഴ്ച ആരംഭിക്കും
ഡബ്ലിന്‍ : ഡബ്ലിന്‍ സീറോ മലബാര്‍ സഭയുടെ നോമ്പ്കാല ധ്യനം മാര്‍ച്ച് 28 വെള്ളിയാഴ്ച ആരംഭിക്കും. 2025 മാര്‍ച്ച് 28, 29, 30 (വെള്ളി, ശനി, ഞായര്‍) ദിവസങ്ങളില്‍ ഡബ്ലിന്‍ ബാലിമണ്‍ റോഡിലുള്ള ഗ്ലാസ്‌നേവിന്‍ ഔര്‍ ലേഡി ഓഫ് വിക്ടറീസ് ദേവാലയത്തിലാണ് (Our Lady of Victories Catholic Church,Ballymun Rd, Glansevin, Dublin, D09 Y925) ഈ വര്‍ഷത്തെ ധ്യാനം നടക്കുക.
വെള്ളിയാഴ്ച് വൈകിട്ട് അഞ്ചുമുതല്‍ ഒന്‍പത് വരെയും ശനിയാഴ്ച് ഉച്ചക്ക് പന്ത്രണ്ട് മുതല്‍ വൈകിട്ട് ഒന്‍പത് വരെയും ഞായറാഴ്ച് ഉച്ചയ്ക്ക് 12:30 മുതല്‍ നാലുവരെയുമാണ് ധ്യാനം നടക്കുക. ധ്യാനം നടക്കുന്ന മൂന്നു ദിവസവും വിശുദ്ധ കുര്‍ബാനയ്ക്കും, ആരാധനക്കും, വചന പ്രഘോഷണത്തിനുമൊപ്പം കുമ്പസാരത്തിനുള്ള സൗകര്യവും ഉണ്ടായിരിക്കും.
ദിവ്യകാരുണ്യ അനുഭവ നോമ്പ്കാല ധ്യാനം നയിക്കുന്നത് അമേരിക്കയിലെ മരിയന്‍ ടി. വി. യുടെ ചെയര്‍മാനും എക്‌സിക്കൂട്ടീവ് ഡയറക്ടറുമായ ബ്ര. പി. ഡി. ഡൊമിനിക്കാണ്. അമേരിക്കയിലെ ഫിലോഡല്‍ഫിയായില്‍ നിന്നുള്ള ബ്ര. പി. ഡി. ഡൊമനിക് ക്യൂന്‍ മേരി മിനിസ്ട്രി, മറിയന്‍ യൂക്രിസ്റ്റിക് മിനിസ്ടി എന്നിവയുടേയും ചെയര്‍മാനാണ്. ഡബ്ലിനില്‍ എത്തിച്ചേര്‍ന്ന ബ്ര. പി.ഡി. ഡൊമിനിക്കിനെ അയര്‍ലണ്ട് സീറൊ മലബാര്‍ സഭയുടെ നാഷണല്‍ കോര്‍ഡിനേറ്റര്‍ ഫാ. ജോസഫ് ഓലിയക്കാട്ടും, ഡബ്ലിന്‍ സീറോ മലബാര്‍ സഭയുടെ ട്രസ്റ്റി സെക്രട്ടറി ജിമ്മി ആന്റണി. നാഷണല്‍ പാസ്റ്ററല്‍ കൗണ്‍സില്‍ ട്രസ്റ്റി ബിനോയ് ജോസ് എന്നിവര്‍ ചേര്‍ന്ന് സ്വീകരിച്ചു.
ധ്യാന ദിവസങ്ങളില്‍ ഡബ്ലിനിലെ മറ്റു കുര്‍ബാന സെന്ററുകളില്‍ വിശുദ്ധ കുര്‍ബാന ഉണ്ടായിരിക്കുന്നതല്ല.പരിശുദ്ധ കുര്‍ബാനയെ ആഴത്തില്‍ മ:നസ്സിലാക്കുവാനും അനുഭവ പൂര്‍ണ്ണമായ ബലിയര്‍പ്പണത്തിലൂടെ ജീവിതത്തിലെ എല്ലാ പ്രശനങ്ങള്‍ക്കും പരിഹാരം കാണുവാനും ദൈവം ഒരുക്കിയ ഈ നോമ്പുകാല ദിവ്യകാരുണ്യാനുഭവ നവീകരണ ധ്യാനത്തിലേയ്ക്ക് ഏവരേയും ഒരിക്കല്‍കൂടി സ്വാഗതം ചെയ്യുന്നതായി ഡബ്ലിന്‍ സീറോ മലബാര്‍ സഭാ നേതൃത്വം അറിയിച്ചു
