സീറോ മലബാര് സഭയുടെ വിവാഹ ഒരുക്ക സെമിനാര്: രജിസ്ട്രേഷന് തുടരുന്നു
ഡബ്ലിന്: അയര്ലണ്ട് സീറോ മലബാര് സഭയുടെ ഫാമിലി അപ്പസ്തോലേറ്റ് സംഘടിപ്പിക്കുന്ന വിവാഹ ഒരുക്ക സെമിനാര് - ഒരുക്കം 2026 ഫെബ്രുവരി, മെയ്, ജൂണ്, നവംബര് മാസങ്ങളില് നടത്തപ്പെടും. ഈ വര്ഷം നടക്കാനിരിക്കുന്ന കോഴ്സുകളിലേക്കുള്ള രജിസ്ട്രേഷന് നിലവില് പുരോഗമിച്ചുകൊണ്ടിരിക്കുകയാണ്.
വിവാഹത്തിനായി ഒരുങ്ങുന്ന യുവജനങ്ങള്ക്കായി രൂപകല്പ്പന ചെയ്തിരിക്കുന്ന ഈ ത്രിദിന കോഴ്സ് ഡബ്ലിനില് വച്ചാണ് നടത്തപ്പെടുന്നത്. ദിവസവും രാവിലെ 9 മണിക്ക് ആരംഭിച്ച് വൈകിട്ട് 6 മണിക്ക് അവസാനിക്കുന്ന രീതിയിലാണ് ക്ലാസുകള് ക്രമീകരിച്ചിരിക്കുന്നത്. കോഴ്സ് വിജയകരമായി പൂര്ത്തിയാക്കുന്നവര്ക്ക് സീറോ മലബാര് സഭയിലെ എല്ലാ രൂപതകളും അംഗീകരിക്കുന്ന സര്ട്ടിഫിക്കറ്റ് നല്കുന്നതായിരിക്കും.
അടുത്ത കോഴ്സ് ഫെബ്രുവരി 13, 14, 15 (വെള്ളി, ശനി, ഞായര്) തീയതികളിലായിരിക്കും. നിലവില് ഏതാനും സീറ്റുകള് മാത്രമാണ് ഒഴിവുള്ളത്. കൂടാതെ, മെയ് 23, 24, 25, ജൂണ് 26, 27, 28, നവംബര് 6, 7, 8 തീയതികളില് നടക്കുന്ന കോഴ്സുകളിലേക്കും ഇപ്പോള് തന്നെ ബുക്ക് ചെയ്യാനുള്ള സൗകര്യം ലഭ്യമാണ്.
ഡബ്ലിന് സീറോ മലബാര് സഭയുടെ വെബ്സൈറ്റ് www.syromalabar.ie വഴി മാത്രമാണ് രജിസ്ട്രേഷന് സൗകര്യം ഉണ്ടായിരിക്കുക, രജിസ്ട്രേഷന് ഫീസ് ഉണ്ടായിരിക്കും.വിവാഹത്തിനായി ഒരുങ്ങുന്നവര് ഈ അവസരം പരമാവധി പ്രയോജനപ്പെടുത്തണമെന്നും, സീറ്റുകള് പരിമിതമായതിനാല് മുന്കൂര് ബുക്ക് ചെയ്ത് പ്രവേശനം ഉറപ്പാക്കണമെണമെന്നും സഭാ നേതൃത്വം അറിയിച്ചു. കൂടുതല് വിശദവിവരങ്ങള് അയര്ലണ്ട് സീറോ മലബാര് സഭയുടെ വെബ്സൈറ്റില് ലഭ്യമാണ്.
കൂടുതല് വിവരങ്ങള്ക്ക്:
ഫാ. സിജോ വെങ്കിട്ടയ്ക്കല് - +353 894 884 733
ആല്ഫി ബിനു - +353 87 767 8365
ലിജി ലിജോ - +353 86 303 4930
