തിരുവനന്തപുരം: തലസ്ഥാന മുൻസിപ്പൽ കോർപ്പറേഷൻ കെട്ടിട നിർമ്മാണ, വ്യാജ റ്റി.സി നമ്പർ തട്ടിപ്പ് കേസിൽ ജൂലൈ 13 മുതൽ റിമാന്റിൽ കഴിയുന്ന 4 പ്രതികളെ 4 മണിക്കൂർ പൊലീസ് കസ്റ്റഡിയിൽ വിട്ടു. തിരുവനന്തപുരം ചീഫ് ജുഡീഷ്യൽ മജിസ്‌ട്രേട്ട് കോടതിയാണ് ജുഡീഷ്യൽ കസ്റ്റഡിയിൽ നിന്നും പ്രതികളെ പൊലീസ് കസ്റ്റഡിയിൽ വിട്ടത്. പ്രൊഡക്ഷൻ വാറണ്ടയച്ചു വിളിച്ചു വരുത്തിയ പ്രതികളെ ചൊവ്വാഴ്ച ഉച്ചയ്ക്ക് 12 മണി മുതൽ 4 മണി വരെയാണ് സിജെഎം ആർ. രേഖ പൊലീസ് കസ്റ്റഡിയിൽ വിട്ടു നൽകിയത്.

ഫോർട്ട് സോണൽ ഓഫീസിലെ ബീനകുമാരി , കടകംപള്ളി സോണൽ ഓഫീസിലെ സന്ധ്യ എന്നീ ഡാറ്റാ എൻട്രി ഓപ്പറേറ്റർമാർ , ഇടനിലക്കാരനും വിഴിഞ്ഞം ശാഖ ബാങ്ക് ജീവനക്കാരനുമായ ക്രിസ്റ്റഫർ, ഷെക്‌സിൻ എന്നിവരെയാണ് കസ്റ്റഡിയിൽ വച്ച് ചോദ്യം ചെയ്ത് തെളിവു ശേഖരണത്തിനായി വിട്ടു നൽകിയത്. കേശവദാസപുരത്തടക്കം അനധികൃത നിർമ്മാണ കെട്ടിടങ്ങൾക്ക് അഴിമതിയിലൂടെ വ്യാജ റ്റി.സി. നമ്പർ നൽകിയെന്നാണ് കേസ്.

അഡ്വ പി നാഗരാജ്

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍