ന്യൂഡൽഹി: ബിജെപി അധ്യക്ഷൻ അമിത്ഷാ പ്രതിപ്പട്ടികയിൽ ഉള്ള സൊറാബുദീൻ ഷേഖ് വ്യാജ ഏറ്റുമുട്ടൽ കേസിൽ വാദം കേട്ട പ്രത്യേക സിബിഐ കോടതി ജഡ്ജി ബി.എച്ച്. ലോയയുടെ ദുരൂഹമരണം സംബന്ധിച്ച ഹർജി സുപ്രീം കോടതി ചൊവ്വാഴ്ചയും പരിഗണിക്കില്ല. ചൊവ്വാഴ്ച പരിഗണിക്കുന്ന ഹർജികളുടെ പട്ടികയിൽ ലോയയുടെ മരണം സംബന്ധിച്ച കേസ് ഉൾപ്പെടുത്തിയിട്ടില്ല. ഹർജികൾ ചൊവ്വാഴ്ച പരിഗണിക്കുമെന്നായിരുന്നു കഴിഞ്ഞ ദിവസം അറിയിച്ചിരുന്നത്.