കണ്ണൂർ: സിനിമാ-സീരിയൽ നടി കണ്ണൂർ ശ്രീലതയുടെ ഭർത്താവു കടവരാന്തയിൽ മരിച്ച നിലയിൽ. എടച്ചേരി മുത്തപ്പൻകാവിന് സമീപം താമസിക്കുന്ന വിനോദി(53)നെയാണ് ഇന്നു രാവിലെ മരിച്ച നിലയിൽ കണ്ടെത്തിയത്.

താളിക്കാവ് റോഡിലെ ഹോട്ടലിലെ വരാന്തയിലായിരുന്നു വിനോദിന്റെ മൃതദേഹം. പരേതനായ ഭാസ്‌കരൻ-കാർത്യായനി ദമ്പതികളുടെ മകനാണ്.

തളിപ്പറമ്പിലെ പെയിന്റിങ് കടയിൽ ജോലി ചെയ്തുവരികയായിരുന്ന വിനോദ് കഴിഞ്ഞ കുറച്ച് ദിവസങ്ങളായി താളിക്കാവിലെ ഹോട്ടലിന്റെ വരാന്തയിലാണ് കിടന്നുറങ്ങിയിരുന്നത്. ഇന്നു രാവിലെയാണ് മരിച്ച നിലയിൽ കണ്ടെത്തിയത്.

കണ്ണൂർ ടൗൺ പൊലീസ് സംഭവ സ്ഥലത്തെത്തി മൃതദേഹം ഇൻക്വസ്റ്റ് നടത്തി. സഹോദരങ്ങൾ: പ്രദീപൻ, രാജീവൻ, റീന, ബീന, ദീപ, മീറ, പരേതനായ സജീവൻ.