കോതമംഗലം മുനിസിപ്പൽ ബസ് സ്റ്റാന്റിനുള്ളിൽ ബസ് കാത്തിരിപ്പ് കേന്ദ്രത്തിന്റെ തൊട്ടു മുകളിലത്തെ നിലയിൽ തീപിടുത്തം; ഷോർട്ട് സർക്യൂട്ടാണ് കാരണമെന്ന് പ്രഥമിക നിഗമനം

കൊച്ചി: കോതമംഗലം മുനിസിപ്പൽ ബസ് സ്റ്റാന്റ് കെട്ടിടത്തിന് തീപിടിച്ചു. ഇന്ന് വെളുപ്പിനെ ആറ് മണിക്ക് ശേഷമാണ് തീപിടുത്തമുണ്ടായത്. കോതമംഗലം മുനിസിപ്പൽ ബസ് സ്റ്റാന്റിനുള്ളിൽ ബസ് കാത്തിരിപ്പ് കേന്ദ്രത്തിന്റെ തൊട്ടു മുകളിലത്തെ നിലയിലാണ് തീപിടുത്തമുണ്ടായത്. ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് പ്രഥമിക നിഗമനം. കോതമംഗലം ഫയർഫോഴ്‌സ് സ്ഥലത്തെത്തി തീ അണച്ചു.നാശനഷ്ടങ്ങൾ വിലയിരുത്തിയിട്ടില്ല.