കുവൈറ്റ് സിറ്റി: ഫ്രണ്ട്സ് ഓഫ് കണ്ണൂര്‍ കുവൈറ്റ് എക്‌സ്പാറ്റ്‌സ് അസോസിയേഷന്‍ (ഫോക്ക്) ന്റെ ഇരുപതാം പ്രവര്‍ത്തന വര്‍ഷത്തിന്റെ വാര്‍ഷിക ജനറല്‍ ബോഡി യോഗം 2026 ജനുവരി 16 വെള്ളിയാഴ്ച രാവിലെ 10.30 മുതല്‍ അബ്ബാസിയ അസ്‌പെയര്‍ ബൈലിംഗ്വല്‍ സ്‌കൂളില്‍ വെച്ച് നടക്കും.

ഇരുപതാം പ്രവര്‍ത്തന വര്‍ഷത്തില്‍ സംഘടന നടത്തിയ പ്രവര്‍ത്തനങ്ങളുടെ വിശദമായ അവലോകനവും, ഫോക്കിന്റെ ഇരുപത്തിയൊന്നാം പ്രവര്‍ത്തന വര്‍ഷത്തെ നയിക്കുന്ന പുതിയ കമ്മിറ്റി ചുമതലയേല്‍ക്കുന്ന നടപടികളും വാര്‍ഷിക ജനറല്‍ ബോഡി യോഗത്തിന്റെ ഭാഗമായി നടക്കുന്നതാണ്.

എല്ലാ ഫോക്ക് അംഗങ്ങളും ജനറല്‍ ബോഡി യോഗത്തിലേക്ക് കൃത്യസമയത്ത് എത്തിച്ചേരണമെന്ന് ഭാരവാഹികള്‍ പത്രക്കുറിപ്പിലൂടെ അറിയിച്ചു.

സ്വന്തം ലേഖകൻ