കെയര്‍ ഹെല്‍പ്പ് ടെസ്‌ക് - ഐ.ഐ.സി സാല്‍മിയ പള്ളിയില്‍ തുടക്കം കുറിച്ചു
കുവൈത്ത് സിറ്റി : വിവിധങ്ങളായ ആവശ്യങ്ങള്‍ക്കായി പ്രയാസപ്പെടുന്ന പ്രവാസികള്‍ക്ക് ഒരു കൈത്താങ്ങ് സഹായമായി ഇന്ത്യന്‍ ഇസ്ലാഹി സെന്റര്‍ സാമൂഹ്യ ക്ഷേമ വകുപ്പിന്റെ കീഴില്‍ കെയര്‍ ഹെല്‍പ്പ് ടെസ്‌കിന് തുടക്കം കുറിച്ചു. നോര്‍ക്ക ഐഡി-പ്രവാസി പെന്‍ഷന്‍ സ്‌കീം രജിസ്‌ടേഷന്‍, ജോലി ഇല്ലാത്തവര്‍ക്ക് ജോലികണ്ടെത്താനായി സഹായിക്കല്‍, ആരോഗ്യ പ്രശ്‌നങ്ങള്‍, ഇന്ത്യന്‍ എംബസിയുമായി ബന്ധപ്പെട്ട സഹായങ്ങള്‍, ഫാസ്റ്റ് ട്രാക്ക് എമിഗ്രേഷന്‍, ഉംറ-ഹജ്ജ് സേവനങ്ങള്‍, കുട്ടികളുടെ മദ്രസ്സ പഠനം, മുതിര്‍ന്നവര്‍ക്ക് ഖുര്‍ആന്‍ പഠന ക്ലാസുകള്‍ തുടങ്ങി വൈവിധ്യമായ സേവനങ്ങളാണ് ഹെല്‍പ്പ് ടെസ്‌കിന് കീഴില്‍ ചെയ്യുന്നത്.
കുവൈത്ത് ഔക്കാഫ് മതകാര്യ വകുപ്പിന് കീഴില്‍ മലയാളത്തില്‍ ഖുതുബ നടക്കുന്ന ഐ.ഐ.സി മസ്ജിദുകള്‍ കേന്ദ്രീകരിച്ചാണ് ഈ സേവനം ലഭിക്കുക. ഹെല്‍പ്പ് ടെസ്‌കിന്റെ കേന്ദ്ര തല ഉദ്ഘാടനം സാല്‍മിയ മലയാളം ഖുതുബ നടക്കുന്ന അല്‍വുഐബ് മസ്ജിദില്‍ ഐ.ഐ.സി കേന്ദ്ര പ്രസിഡന്റ് യൂനുസ് സലീം ഉദ്ഘാടനം ചെയ്തു.
ജനറല്‍ സെക്രട്ടറി മനാഫ് മാത്തോട്ടം, ട്രഷറര്‍ അനസ് മുഹമ്മദ്, സെക്രട്ടറിമാരായ അയ്യൂബ് ഖാന്‍, ടി.എം അബ്ദുറഷീദ്, ഷെര്‍ഷാദ്, ആമിര്‍ യൂ.പി, നബീല്‍ ഫറോഖ്, കെ.എം.സി.സി ട്രഷറര്‍ ഹാരിസ്, സാല്‍മിയ യൂണിറ്റ് പ്രസിഡന്റ് അല്‍ അമീന്‍ സുല്ലമി, നവാസ്, ശുഐബ് നന്തി, അഷ്‌റഫ് മേപ്പയ്യൂര്‍ എന്നിവര്‍ പങ്കെടുത്തു.
അടുത്ത വെള്ളിയാഴ്ച ഐ.ഐ.സിയുടെ കീഴില്‍ ഖുതുബ നടക്കുന്ന മറ്റു പള്ളികളിലും കെയര്‍ ഹെല്‍പ്പ് ടെസ്‌ക് ആരംഭം കുറിക്കും.
