എന്‍ സി പി വര്‍ക്കിംഗ് കമ്മറ്റിയിലേക്ക് പ്രവാസി മലയാളി ബാബു ഫ്രാന്‍സീസ്
നാഷണലിസ്റ്റ് കോണ്‍ഗ്രസ്സ് പാര്‍ട്ടി (ശരദ് പവാര്‍ വിഭാഗം ) യുടെ ദേശീയ വര്‍ക്കിംഗ് കമ്മിറ്റിയിലേക്ക് ഓവര്‍സീസ് സെല്ലിന്റെ ദേശീയ അധ്യക്ഷനായ പ്രവാസി മലയാളിയും, തൃശ്ശൂര്‍ - വേലൂര്‍ സ്വദേശിയുമായ ബാബു ഫ്രാന്‍സീസിനെ പാര്‍ട്ടി ദേശീയ പ്രസിഡണ്ട് ശരദ് പവാര്‍ എം.പി യുടെ നിര്‍ദ്ദേശ പ്രകാരം വര്‍ക്കിംഗ് പ്രസിഡണ്ട് സുപ്രിയ സുലെയാണ് നിയമിച്ചത്.
നിലവില്‍ ബാബു ഫ്രാന്‍സീസ് , കേരള സര്‍ക്കാര്‍ ,നോര്‍ക്ക- ലോക കേരള സഭയില്‍ കുവൈറ്റില്‍ നിന്നുള്ള പ്രതിനിധിയാണ്. പ്രവാസി ലീഗല്‍ സെല്ലിന്റെ ഗ്ലോബല്‍ വക്താവുമായിരുന്ന കേരളത്തില്‍ നിന്നുള്ള ഏറ്റവും പ്രായം കുറഞ്ഞ പ്രവര്‍ത്തക സമിതി അംഗമാണ് പ്രവാസി മലയാളിയായ ബാബു ഫ്രാന്‍സിസ്. പ്രവാസ ലോകത്തും, നാട്ടിലും, പാര്‍ട്ടിക്കൊപ്പം ഉറച്ച നിലപാടുകളും ശക്തമായ പ്രവര്‍ത്തനങ്ങളുമായി വിവിധ മേഖലകളില്‍ നിറ സാന്നിധ്യമായ ബാബു ഫ്രാന്‍സീസിന്റെ പ്രവര്‍ത്തനങ്ങള്‍ക്കുള്ള പാര്‍ട്ടിലെ അംഗീകാരമാണ് പുതിയ ചുമതല. ഇന്‍ഡ്യന്‍ പ്രവാസികളുടെ ഇടയിലുള്ള പാര്‍ട്ടിയുടെ പ്രവര്‍ത്തനങ്ങള്‍ ശക്തിപ്പെടുത്താനും കൂടിയാണ് എന്‍ സി പി (എസ് പി) പുതിയ നിയമനത്തിലൂടെ ലക്ഷ്യം വയ്ക്കുന്നത്
