തനിമ കുവൈത്തിന്റെ ബാനറില്‍ സന്‍സീലിയ എവര്‍ റോളിംഗ് ട്രോഫിക്ക് വേണ്ടിയുള്ള 18ആം ദേശീയ വടംവലി മത്സരം ഡിസംബര്‍ 6നു അബ്ബാസിയ ഇന്ത്യന്‍ സെണ്ട്രല്‍ സ്‌കൂളിലെ ഓപണ്‍ ഫ്‌ലഡ് ലൈറ്റ് സ്റ്റേഡിയത്തില്‍ ഉച്ചക്ക് 12:00മുതല്‍ വൈകീട്ട് 8:00മണി വരെ സംഘടിപ്പിക്കുന്നു. അന്നേ ദിവസം കുവൈത്തിലെ 30ഓളം ഇന്ത്യന്‍ സ്‌കൂളുകളില്‍ നിന്ന് പഠന-പഠനേതര വിഷയങ്ങളില്‍ മികച്ച പ്രകടനം കാഴ്ച വെക്കുന്ന വിദ്യാര്‍ത്ഥികള്‍ക്കുള്ള ഡോ: അബ്ദുല്‍ കലാം പേള്‍ ഓഫ് ദി സ്‌കുള്‍ അവാര്‍ഡ് ദാനവും നടക്കുന്നതാണു എന്ന് സംഘാടകര്‍ അറിയിക്കുന്നു.

മാസങ്ങളോളം പരീശീലനത്തില്‍ ഉള്ള 20ഇല്‍ പരം ടീമുകള്‍ മാറ്റുരയ്ക്കുന്ന മത്സരത്തില്‍ ഇത്തവണ ആദ്യമായ് ലോകത്തിന്റെ വിവിധ ഭാഗങ്ങളില്‍ നിന്നുള്ള വടംവലി കായികതാരങ്ങള്‍ പങ്കെടുക്കുന്നു എന്നതും സവിശേഷതയാണു. എല്ലാ കായികപ്രേമികളെയും തികച്ചു സൗജന്യമായ വടംവലി മമാങ്കത്തിലേക്ക് ക്ഷണിക്കുന്നു.

തനിമ കുവൈത്ത്

സ്വന്തം ലേഖകൻ