തനിമ കുവൈത്ത് - 18ആം ദേശീയ വടംവലി മത്സരവും പേള്‍ ഓഫ് ദി സ്‌കൂള്‍ അവാര്‍ഡ് ദാനവും ഡിസംബര്‍ 13നു, ഷൈഖ് ഖാലിദ് അബ്ദുള്ള അല്‍ നാസര്‍ അല്‍ സബാഹ് മുഖ്യാതിഥി
തനിമ കുവൈത്തിന്റെ ബാനറില്‍ സന്‍സീലിയ എവര്‍ റോളിംഗ് ട്രോഫിക്ക് വേണ്ടിയുള്ള 18ആം ദേശീയ വടംവലി മത്സരം ഡിസംബര്‍ 13നു അബ്ബാസിയ ഇന്ത്യന്‍ സെണ്ട്രല്‍ സ്‌കൂളിലെ ഓപണ്‍ ഫ്‌ലഡ് ലൈറ്റ് സ്റ്റേഡിയത്തില്‍ ഉച്ചക്ക് 1:00മുതല്‍ വൈകീട്ട് 8:00മണി വരെ സംഘടിപ്പിക്കുന്നതായ് ഓണത്തനിമ കണ്‍വീനര്‍ അറിയിച്ചു.
തനിമ മുന്‍ ഹാര്‍ഡ്കോര്‍ അംഗം പരേതനായ രാജു സക്കറിയയുടെ സ്മരണാര്‍ത്ഥം രാജു സക്കറിയ നഗര്‍ എന്നു നാമകരണം ചെയ്തിട്ടൂള്ള മത്സരവേദി മുഖ്യാതിഥി മുന്‍ കായികതാരവും കുവൈത്ത് സംരംഭകനുമായ സുരേഷ് കാര്‍ത്തിക് കാണികള്‍ക്കായ് സമര്‍പ്പിക്കും. *അമീരി പ്രോട്ടോക്കോള്‍ തലവന്‍, ഷൈഖ് ഖാലിദ് അബ്ദുള്ള അല്‍ നാസര്‍ അല്‍ സബാഹ് മുഖ്യാതിഥിയായ് പങ്കെടുക്കുന്നു.*
അന്നേ ദിവസം കുവൈത്തിലെ 27 ഇന്ത്യന്‍ സ്‌കൂളുകളില്‍ നിന്ന് പഠന-പഠനേതര വിഷയങ്ങളില്‍ മികച്ച പ്രകടനം കാഴ്ച വെക്കുന്ന വിദ്യാര്‍ത്ഥികള്‍ക്കുള്ള ഡോ: അബ്ദുല്‍ കലാം പേള്‍ ഓഫ് ദി സ്‌കുള്‍ അവാര്‍ഡ് ദാനവും നടക്കുന്നതാണു എന്നും സംഘാടകര്‍ അറിയിക്കുന്നു.
മാസങ്ങളോളം പരീശീലനത്തില്‍ ഉള്ള 20ഇല്‍ പരം ടീമുകളാണു മാറ്റുരയ്ക്കുന്നത്.എല്ലാ കായികപ്രേമികളെയും തികച്ചു സൗജന്യമായ വടംവലി മമാങ്കത്തിലേക്ക് ക്ഷണിക്കുന്നു.
