കുവൈറ്റ് സിറ്റി: പുതുവത്സരാഘോഷത്തിനിടെ പൊതു ധാർമ്മികത ലംഘിച്ച് അനുചിതമായ പെരുമാറ്റത്തിൽ ഏർപ്പെട്ട വീഡിയോ പോസ്റ്റ് ചെയതെന്ന കുറ്റത്തിൽ ഒരു സംഘം ഇന്ത്യൻ പൗരന്മാർ കുവൈറ്റിൽ അറസ്റ്റിൽ. മുത്‌ല മരുഭൂമിയിലെ ഒരു ക്യാമ്പിൽ നടന്ന ആഘോഷത്തിൽ ക്രോസ്ഡ്രസിംഗ് ഉൾപ്പെടെയുള്ള ദൃശ്യങ്ങൾ സാമൂഹിക മാധ്യമങ്ങളിൽ പ്രചരിച്ചതിനെ തുടർന്നാണ് അധികൃതർ നടപടി സ്വീകരിച്ചത്.

സംഭവത്തിന്‍റെ വീഡിയോ പ്രചരിച്ചതോടെ ജനറൽ ഡിപ്പാർട്ട്‌മെന്റ് ഓഫ് ക്രിമിനൽ ഇൻവെസ്റ്റിഗേഷൻ സൈബർ ക്രൈം ഡിപ്പാർട്ട്‌മെന്റുമായി സഹകരിച്ച് അന്വേഷണം ആരംഭിക്കുകയായിരുന്നു. വീഡിയോ പോസ്റ്റ് ചെയ്ത വ്യക്തിയെയും ആഘോഷത്തിൽ പങ്കെടുത്തവരെയും അധികൃതർ തിരിച്ചറിഞ്ഞു. തുടർന്ന്, വീഡിയോയിൽ ഉൾപ്പെട്ട എല്ലാ വ്യക്തികളെയും അറസ്റ്റ് ചെയ്യുകയും അവർക്കെതിരെ നിയമപരമായ നടപടിക്രമങ്ങൾ ആരംഭിക്കുകയും ചെയ്തു.

കുവൈറ്റ് നിയമപ്രകാരം, ക്രോസ്ഡ്രസിംഗ് രണ്ട് വർഷം വരെ തടവും 5000 ദിനാർ വരെ പിഴയും ലഭിക്കാവുന്ന കുറ്റമാണ്. സാമൂഹിക മാധ്യമങ്ങളിലൂടെയുള്ള പൊതു ധാർമ്മികതാ ലംഘനങ്ങൾ ആഭ്യന്തര മന്ത്രാലയം തുടർച്ചയായി നിരീക്ഷിക്കുമെന്നും നിയമം ലംഘിക്കുന്ന ഏതൊരാൾക്കെതിരെയും ആവശ്യമായ നിയമ നടപടികൾ സ്വീകരിക്കുമെന്നും മന്ത്രാലയം അറിയിച്ചു.

കുവൈറ്റ് സിറ്റിപുതുവത്സരാഘോഷംഅറസ്റ്റ്

സ്വന്തം ലേഖകൻ