ബെംഗളൂരുവിൽ ലഹരിക്കടത്ത് സംഘം പിടിയിൽ; അറസ്റ്റിലായവരിൽ മലയാളിയും

ബെംഗളൂരു: രാസലഹരി വസ്തുകളുമായി മലയാളിയെ ബെംഗളൂരു പൊലീസ് പിടികൂടി. കണ്ണൂർ സ്വദേശി ഷക്കീർ എന്നയാളെയാണ് പൊലീസ് പിടികൂടിയത്. ഇയാൾക്കൊപ്പം രണ്ട് നൈജീരിയൻ പൗരന്മാ‍ർ അടക്കം മൂന്ന് പേരെ കൂടി പൊലീസ് അറസ്റ്റ് ചെയ്തിട്ടുണ്ട്. 75 ലക്ഷം രൂപ വില വരുന്ന ലഹരി വസ്തുകളും സംഘത്തിൽ നിന്ന് പിടിച്ചെടുത്തു.

അന്താരാഷ്ട്ര വിപണിയിൽ കോടികൾ വിലമതിക്കുന്ന ക്രിസ്റ്റൽ എംഡിഎംഎ എന്ന കെമിക്കൽ ഡ്ര​ഗുമായാണ് സംഘത്തെ സിസിബി പിടികൂടിയത്. ഷക്കീറിനൊപ്പമുണ്ടായിരുന്ന രണ്ട് നൈജീരിയൻ പൗരന്മാ‍ർക്കും പാസ്പോ‍ർട്ട് ഇല്ലായിരുന്നുവെന്നും പൊലീസ് വ്യക്തമാക്കുന്നു.