ജിദ്ദ: സൗദിയിൽ മലയാളി കുടുംബം സഞ്ചരിച്ച വാഹനം അപകടത്തിൽപ്പെട്ടു രണ്ടു മരണം. മലപ്പുറം താനാളൂർ വടുതല അഫ്‌സലിന്റെ ഭാര്യ സഫീറ (30), മകൻ മുഹമ്മദ് അമൻ (എട്ട്) എന്നിവരാണ് മരിച്ചത്.

ഇവർക്കൊപ്പമുണ്ടായിരുന്ന അഫ്‌സലിനു പരിക്കേറ്റു. ിദ്ദ - യാമ്പു ഹൈവേയിൽ റാബിഗിനടുത്ത് ഇന്ന് പുലർച്ചെയാണ് അപകടം.

അഫ്‌സൽ ഓടിച്ചിരുന്ന പിക്അപ് ഓടിക്കൊണ്ടിരിക്കുന്ന ട്രെയിലറിൽ ഇടിക്കുകയായിരുന്നു. സഫീറ തൽക്ഷണം മരിച്ചു. മുഹമ്മദ് അമനെ റാബിഗ് ജനറൽ ആശുപതിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഇടിയുടെ ആഘാതത്തിൽ പിക്കപ് പൂർണമായും തകർന്നു. ഫ്‌സൽ ഗുരുതരാവസ്ഥയിൽ റാബിഗ് ജനറൽ ആശുപത്രിയിലാണ്.

യാമ്പുവിൽ പച്ചക്കറി കച്ചവടം നടത്തുകയാണ് അഫ്‌സൽ. യാമ്പു അൽ മനാർ ഇന്റർനാഷനൽ സ്‌കൂളിൽ അദ്ധ്യാപികയാണ് സഫീറ. ഓഗസ്റ്റ് ആറിന് നാട്ടിൽ പോകാനിരിക്കെയാണ് അപകടമുണ്ടായത്.